На почетокот на изминатава недела Блискиот Исток повторно беше во фоксуот на јавноста откако американскиот претседател Доналд Трамп изјави дека САД ќе започнат со придружба на дел од неутралните бродови заглавени во Персискиот Залив, извлекувајќи ги низ Ормускиот Теснец.
Потоа дојде веста дека САД и Иран размениле оган во Персискиот Залив во ново разгорување на насилството што ги вклучи и Обединетите Арапски Емирати и ја стави под сомнеж судбината на четиринеделното примирје. Претседателот Доналд Трамп само еден ден подоцна се предомисли и изјави дека ќе го паузира обидот да им помогне на заглавените бродови да излезат од Ормускиот Теснец за да види дали САД можат да постигнат договор со Иран за прекин на војната.
Ваквите тензии придонесоа за нестабилност на цената на нафтата. Брент падна кон 113 долари за барел, откако скокна за 5,8 проценти во понеделникот, а потоа во текот на неделата во исчекување на договор меѓу САД и Иран дополнително се намали, но остана над границата од 100 долари за барел.
Прочитајте повеќе:
Уриваме рекорди во изградба на сончеви електрани, ама без фосилни горива би немале струја
И Македонија ќе има субвенции за електрични возила: До 2030 и зелен транспорт
Извршниот одбор за монетарната политика на Народната банка на последната седница донесе одлука за задржување на основната каматна стапка на нивото од четири проценти. Оттаму посочија дека одлуката за монетарната политика била донесена во услови на исклучително зголемена глобална непредвидливост и потреба од дополнителни информации за поцелосно согледување на ефектите врз домашната економија.
Во текот на неделата се покажа дека тензиите на Блискиот Исток имаат големо влијание и врз македонската економија. Имено, Државниот завод за статистика соопшти дека индексот на трошоците на животот во април 2026 година, во однос на април 2025 година, бележи зголемување од 5,7 отсто, а индексот на цените на мало бележи зголемување од 5 отсто. На месечно ниво најголем раст има кај транспортот од 10, 1 отсто. Инфлацијата мерена преку индексот на трошоците на животот во април 2026 година, во однос на март 2026 година, изнесува 1,3 отсто.
Прочитајте повеќе:
Нова фискална стратегија на Владата: Повисока инфлација, понизок раст на БДП
Една година од блекаутот: Може ли да се повтори испадот во енергетската мрежа?
Глобалните царини од 10 проценти на претседателот Доналд Трамп беа прогласени за незаконски од федералниот трговски суд, што претставува нов удар врз економската агенда на администрацијата, само неколку месеци откако Врховниот суд на САД ги поништи претходните давачки што ги воведе. Трамп ги воведе царините од 10 проценти во февруари согласно член 122 од Законот за трговија од 1974 година, кој никогаш претходно не бил користен.
Без разлика на судската одлука, претседателот Доналд Трамп изјави дека ќе ѝ даде рок на Европската Унија до 4 јули да го ратификува трговскиот договор со САД, откако претходно се закани дека ќе ги зголеми царините за увоз на автомобили доколку не го стори тоа. Трамп изјави во четвртокот дека го поставил новиот рок откако разговарал со претседателката на Европската комисија, Урсула фон дер Лајен. Тој се закани дека ќе ги зголеми царините за стоките на блокот доколку не го финализира договорот до летото.
.webp){kind=icon}
