Минатата година инфлацијата во земјава изнесуваше 3,5 отсто што е во рамките на проекциите на Народната банка. Сепак, последните два месеци од 2024 година ги обележаа зголемени стапки на инфлација, 4,3 и 4,4 отсто. За централната банка ваквиот раст беше пресметан. Пресметките на граѓаните во маркетите не излегуваат точни.
Податоците на статистичарите за минатата година покажуваат дека во споредба со 2023 година, лани на трпеза сме ставале само поевтина риба, сè друго поскапело.
Инфлацијата не се откажува ни во еврозоната, таму причина за растот се цените на енергентите.
Растечките цени ќе ја погодат и модната индустрија затоа што потрошувачите се сè почувствителни на цените. Ќе биде потребна нова формула за успех.
Растот на инфлацијата отвора дилеми и кај Европската централна банка. Следниот состанок е закажан за крајот на овој месец, а веќе се прогнозира дека креаторите на политиките може да почекаат до следното намалување на референтните каматни стапки. Во меѓувреме, Еуриборот (каматната стапка на Европската банкарска федерација) не го следи трендот на ЕЦБ и од почетокот на оваа година – расте.
Прочитајте повеќе:
Сите причини поради кои становите и годинава ќе поскапуваат
Револуционерни иновации на годината: Избор на топ 10
Неделава анализиравме кои се топ петте ризици кои се закануваат на светот годинава. Сè се врти околу конфликтите, дигитализацијата и вештачката интелигенција и новоизбраниот американски претседател Доналд Трамп.
Тој и неговиот најблизок соработник, Илон Маск се во центарот на вестите неделава. Трамп уште еднаш зборува за купување на Гренланд, најголемиот остров во светот, инаку територија на Данска под самостојна управа. Маск пак, се расправаше со канадскиот премиер во оставка, а почна да воведува ред и на европскиот континент, по Германија, на ред дојде Велика Британија. Италија, се чини, нема да има ваков проблем со Маск затоа што владата на премиерката Мелони e на пат да му го обезбеди на Маск најголемиот проект во Европа.
И Марк Закерберг беше меѓу главните вести неделава. Се појави со саат од 900.000 евра за да каже дека Фејсбук ќе се откаже од проверката на факти.
Прочитајте повеќе:
Како да купам спортски клуб во Македонија и во регионот?
Нė очекува година на тектонски поместувања во спортот, фудбалот е особено на удар
За пазарите на капитал е вообичаено првиот месец во годината да биде обележан со раст на акциите, анализиравме дали јануарскиот ефект ќе биде реален и годинава.
Теоријата за јануарскиот ефект ја поткопа „Енвидија“ чии акции неделава паднаа за над шест проценти во исто време со откривањето на амбициозната визија за новиот свет.
Волстрит го тресе уште една теорија. Глобалните банки таму ќе намалат до 200.000 работни места во следните три до пет години, бидејќи вештачката интелигенција презема задачи кои моментално ги извршуваат човечки работници, прогнозира „Блумберг интелиџенс“ (Bloomberg Intelligence).
Прочитајте повеќе:
Преценети се цените на акциите на македонските банки: Анализа
Над половина од возилата за превоз на стока во Македонија се „црни возила“
Неделава ја обележуваат и стравотните слики од пожарите во Лос Анџелес. Ова е најголемата природна катастрофа во градот во последните децении, бидејќи шумските пожари, поттикнати од ветрови со јачина на ураган, ги зафатија богатите населби, убија најмалку пет лица и принудија повеќе од 100.000 жители да се евакуираат.
Во Калифорнија е продадено и ливчето кое доби џекпот од 1,26 милијарди долари на лотаријата „Мега милионс“ (Mega Millions). Експертите предупредуваат дека на моменталната екстаза на добитникот може да премин во анксиозност и дека лицето ќе има потреба и од адвокат и од терапевт.
.webp){kind=icon}