Инфлацијата во регионот Адрија е упорна. Цените на храната, услугите и на енергентите се главната причина што враќањето кон целта од 2 отсто оди тешко. Во Македонија во август стапката изнесува 4,4 отсто на годишно ниво, што е забавување во однос на врвот од 4,8 отсто во јули.
Експертите велат дека ќе следува период на стабилизација, но тоа ќе зависи од повеќе фактори, меѓу кои најважна е фискалната дисциплина – односно ограничување на растот на пензиите и платите.
Сепак, пензиите ќе се зголемат следниот месец, а просечната плата сигурно ќе забележи уште еден рекорд кога ќе бидат објавени податоците за јули, со оглед на астрономските износи што биле исплатени на име плата. Дотогаш, над 73 отсто од вработените добиваат плата пониска од просечната во земјава.
Прочитај повеќе:
Маск веќе не е најбогат на светот, Лари Елисон седна на тронот
Анализиравме и колку чинат 10 години во некоја македонска банка. Направивме неколку пресметки со банкарските калкулатори за тоа колку ќе треба да вратиме доколку земеме кредит од 50.000 евра со 20 години отплата. Дојдовме до заклучок дека, во зависност од каматната стапка, во најевтината опција на банката ќе ѝ вратите вкупно 68.400 евра, а во најскапата 81.600 евра, што прави разлика од дури 13.200 евра.
Каматните стапки во Европа и во САД се на различни крстосници, ЕЦБ ја задржа каматата на два отсто, Фед се очекува да почне да ја олабавува монетарната политика.
Го следевме и развојот на настаните околу преземањето на „Стопанска банка Битола“ од страна на српската „Алта банка“, за што Комисијата за хартии од вредност даде дозвола.
Ги анализиравме и глобалните пазари. Се очекува акциите од S&P 500 да продолжат да растат до крајот на годината. Европските акции, пак, пораснаа поради политичките турбуленции во Франција. Високиот јавен долг му пресуди на поранешниот премиер Бајру, кому парламентот му изгласа недоверба. Неговиот наследник се соочува со истите буџетски предизвици, но и со протести.
Прочитај повеќе:
Време на рекорди: Среќни се оние што инвестираа во злато
Приносите уриваат рекорди: „Тепачка“ за обврзници од европските економски сили
Германскиот канцелар Мерц изјави дека е рано земјата да се откаже од јагленот. А европските производители бараат од Европската комисија одложување на зелената агенда за транспортот. Прекинот на производството на автомобили со мотори со внатрешно согорување до 2035 година изгледа нереално и недостижно. Тие се притиснати и од царинските политики на Трамп, но и од експанзијата на кинеските производители на европскиот пазар. Во земјава, пак, зелената агенда во транспортот е на ниво на статистичка грешка, а увозот на користени возила урива рекорди.
На својот традиционален септемвриски настан, „Епл“ (Apple) официјално ја претстави најновата генерација на ајфони – серијата „ајфон 17“, која го носи најголемиот дизајнерски и технолошки пресврт во последниве години. Сите детали прочитајте ги овде.
Прочитај повеќе:
Застрелан познат поддржувач на Трамп
Откриваме тајни врски помеѓу угледен британски дипломат и осомничениот педофил Епстајн
Пишувавме и за врвните спортисти што во вториот дел од кариерата обично се соочуваат со избор – дали да се стремат кон трофеи и слава или да собираат полесно заработени пари. Пред тешка одлука се најде и спортската гордост на Германија, минхенски Баерн. Нивната одлука беше штедење, бидејќи домашната економија се соочува со сериозни предизвици.
.webp){kind=icon}
