.webp){kind=icon}
Европската унија се согласи да постави ограничување на цената на руската нафта од 60 долари за барел, отворајќи го патот за поширок договор на Групата седум, посочува неименуван полски дипломат.
Цената е повисока од износот по кој Русија веќе продава најголем дел од својата сурова нафта. Така е затоа што една од главните цели на мерката е да се обиде да го задржи протокот на руска нафта на светските пазари. Но, сепак границата не е толку дарежлива колку што беше претходниот предлог, пред сè поради притисокот од Полска и балтичките земји.
Прочитајте повеќе: Полска и Балтикот децидни дека 65 долари за руска нафта се премногу
По долги преговори, тие земји успеаја да обезбедат дополнителни услови насочени кон казнување на Москва, вклучително и механизам што ќе овозможи ревизија на цената на секои два месецa. Исто така, постои план за осигурување дека секое ресетирање на ограничувањето треба да го постави истото најмалку 5 отсто под просечните пазарни стапки.
Како изгледа ограничувањето
Argus Media
Фокусот сега е свртен кон тоа како реагира Кремљ.
Дипломатите се обидуваа да најдат ниво што е доволно привлечно за Москва да продолжи да продава нафта. Ако е над пазарната стапка - како што е сега - Русија и нејзините купувачи можат да тврдат дека бизнисот се одвива како и вообичаено. Рускиот министер за надворешни работи, Сергеј Лавров, во четвртокот посочи дека нивото на ценовната граница е ирелевантно.
Ризикот за нафтените пазари е дека ако границата биде поставена премногу ниско, Москва може да ја исполни заканата дека ќе го прекине производството - што ќе ги зголеми глобалните цени на нафтата.
САД првпат предложија ценовно ограничување бидејќи во Вашингтон имаше загриженост дека санкциите на ЕУ се толку строги што ќе го прекинат руското снабдување и ќе предизвикаат огромен скок на глобалните цени на нафтата. Ограничувањето обезбедува трговија, дозволувајќи им на купувачите кои се придржуваат до неа да пристапат до услугите за осигурување и превоз што инаку би биле забранети преку санкциите на ЕУ.
Планот на САД потоа начелно беше усвоен од Г7, при што деталите допрва треба да се усогласат.
Бидејќи Русија веќе ја продава својата сурова нафта со попуст, ограничувањето е повисоко од цената на водечката класа на земјата - позната како Урал - која неделава падна на 45,31 долари за барел во пристаништето Приморск на Балтичкото Море, според податоците на Argus Media, една од двете истакнати компании за цени на пазарот. Во средата цената се искачи на 48,04 долари.
Русија соопшти дека нема да продава на никого што ќе стави потпис на ограничувањето на цената. Но, бидејќи Г7 главно го запира рускиот увоз, ограничувањето е насочено кон купувачи како Индија, Кина и Турција. Тие земји не се пријавија, но тоа не ги спречува да купуваат нафта под границата за да пристапат до клучните транспортни услуги.
Ограничувањето на цените вклучува механизам што ќе овозможи редовни проценки и потенцијални ревизии на цената на секои два месеца од средината на јануари 2023 година, како и одредба да се извршуваат идни ревизии на праг од барем 5 отсто под просечните пазарни стапки.
Исто така, се воведува грејс-период од 45 дена за бродовите на море кои го натовариле својот товар пред понеделник, што им дава рок до 19. јануари да го завршат транспортот на нафтата, како и 90-дневен преоден период за секоја идна промена на нивото на цената.
Прочитајте повеќе: Србија останува без руска нафта, цената на дизелот ќе биде предизвик
Дипломатите беа под притисок да го реализираат планот за ограничување пред понеделник кога стартуваат санкциите на ЕУ за руската нафта транспортирана преку море. Откако договорот во ЕУ ќе биде формално усвоен, тој треба да биде одобрен од Г7. Извор запознаен со ова прашање рече дека нивото од 60 долари е во опсегот на Г7.
