Европските земји мора да го намалат масовното трошење за да им помогнат на домаќинствата и бизнисите за време на енергетската криза и да се рефокусираат на фискална дисциплина сега кога економските изгледи се подобруваат, смета потпретседателот на Европската комисија (ЕК), Валдис Домбровскис.
Извршната власт на ЕУ денеска ги зголеми своите прогнози за раст на бруто-домашниот производ (БДП) за блокот оваа година, наведувајќи ги како причина благата зима, високото ниво складирани резерви на гас и силниот пазар на трудот, а ги намали своите предвидувања за стапката на инфлација.
Bloomberg Mercury
„Економијата на ЕУ се покажува отпорна наспроти тековните предизвици. Време е да се придвижиме кон повнимателни фискални позиции“, им рече Домбровскис на новинарите во Брисел пред состанокот на министрите за финансии од еврозоната. Тој рече и дека е важно земјите-членки постепено да ги намалуваат буџетските дефицити, како за да се избегне ситуација кога фискалната политика го попречува монетарното затегнување, така и за да не се поттикне дополнителна инфлација. Ова, исто така, доаѓа во контекст на повисоките финансиски трошоци.
Европската централна банка соопшти дека има намера да испорача зголемување на каматните стапки од уште 50 базични поени следниот месец, бидејќи загриженоста за основните ценовни притисоци и натаму постои, иако рекордната вкупна инфлација во еврозоната се повлекува.
ЕУ во меѓувреме го ревидира својот т.н. Пакт за стабилност и раст, со цел да се обиде да ги ублажи фискалните правила на блокот, кои беа суспендирани за време на пандемијата на ковид и требаше да се вратат од 1 јануари. Комисијата има цел да се придвижи напред со законското приспособување по дискусијата на министрите за финансии на утрешниот состанок и на тој во март.
.webp){kind=icon}
Во моментов нема коментари за веста. Биди прв да коментира...