Очекувањата за потрошувачките цени во еврозоната паднаа на најниско ниво од 2020 година, според индексот на Европската комисија што може да ги утеши креаторите на политиките кои се обидуваат да ја стават инфлацијата под контрола.
Индексот падна на 12,2 во мај годинава од 15 претходниот месец. Дел од долгогодишното истражување за економското расположение што го спроведуваат официјални лица во Брисел, ги одразува одговорите на потрошувачите за тоа како цените ќе се развиваат во текот на следната година.
Извештајот, кој беше објавен денеска покажа и дека кај бизнисмените паѓаат очекувањата за наплата во следните три месеци. Се очекува дополнително намалување на цените во производството, услугите, градежништвото и малопродажбата, а економското расположение падна на најниско ниво во последните шест месеци.
Прочитај повеќе
Инфлацијата во Шпанија забавува повеќе од очекуваното
Инфлацијата во мај во Шпанија се намали на 2,9 проценти, што е најниско ниво од јули 2021 година.
30.05.2023
Рекордна инфлација на потрошувачките цени во Британија од девет отсто
Инфлацијата во Велика Британија месецов забрза на девет отсто, што е нов врв за индексот по 2005 година.
30.05.2023
ЕК ќе препорача борбата против инфлацијата да остане приоритет
Фискалните мерки преземени за помош на потрошувачите и бизнисите за време на енергетската криза треба постепено да се укинат
24.05.2023
Петрески: Инфлацијата забавува
Очекувањето е дека до крајот на годината ќе дојдеме до едноцифрена инфлација, вели универзитетскиот професор Марјан Петрески.
22.05.2023
За претставниците на Европската централна банка во Франкфурт, ваквите бројки обезбедуваат одредено уверување дека порастот на инфлацијата што се гледа како дел од шокот предизвикан од рекордниот раст на трошоците за живот што се случува еднаш во генерација, нема да се вкорени во економијата. Во нивните напори да ги скротат цените, креаторите на политиката сигнализираа дури три дополнителни зголемувања на каматните стапки.
Извештајот се совпаѓа со очекуваната проценка на инфлацијата во еврозоната, при што најновите отчитувања закажани за четврток веројатно ќе покажат ограничен напредок во приближувањето до целта на ЕЦБ од два проценти. Економистите предвидуваат дека инфлацијата ќе биде 6,3 проценти.
Охрабрувачка беше првата вест за инфлацијата што неделава дојде од Шпанија. Инфлацијата таму забави на 2,9 проценти во мај, што е најниско од јули 2021 година. Податоците за инфлацијата во среда ќе бидат објавени во Франција, Италија и Германија.
.webp){kind=icon}
