.webp){kind=icon}
Базичната инфлација во Норвешка минатиот месец неочекувано забрза до рекордно висока стапка, што укажува на тоа дека централната банка е поверојатно да ја продолжи својата кампања за зголемување на каматните стапки и по летото.
Темпото на базичната инфлација, мерка што ја следи банката „Норгес“ (Norges Bank), во мај се зголеми за 6,7 проценти на годишно ниво. Аналитичарите во истражувањето на „Блумберг“ прогнозираа стапка од 6,3 отсто, а проценката на централната банка беше дека базичната инфлација во мај ќе биде шест проценти. Повисока од очекуваната беше и вкупната стапка на инфлација.
Овие податоци се дополнителен предизвик покрај клучните проблеми со кои се соочуваат норвешките домаќинства, дека се најзадолжени во светот и слабоста на норвешката круна, што го поттикнува растот на увозните цени. Сето тоа веројатно ќе ги зголеми облозите дека „Норгес банка“ ќе се одлучи за уште некое зголемување на каматните стапки по тоа што се очекува подоцна во јуни.
Сегашното ниво на каматите е 3,25 процценти, а се зголемува бројот на прогнозери кои го гледаат врвот на стапката подоцна оваа година кон нивото од четири отсто.
