Три намалувања на каматите се сигурни, шанса и за четврто

Трошоците за задолжување ќе се намалат најмалку трипати годинава, изјави членот на Управниот совет на Европската централна банка (ЕЦБ), Гедиминас Симкус.

„Шансите да има три намалувања на каматните стапки годинава се поголеми од 50 отсто“, им рече Симкус на новинарите во Вилнус. „Но, според мене, шансите да има намалување и во јули се поголеми од нула. Одлуката од јули ќе биде важна во поставувањето на траекторијата“.

Гувернерот на централната банка на Литванија зборуваше по четири дена откако ЕЦБ ги задржа стапките на сегашното ниво, истовремено испраќајќи го својот најјасен сигнал досега дека забавувањето на инфлацијата наскоро ќе овозможи банката да започне со намалувања. Креаторите на политиката изгледаат обединето во започнувањето на ваквите потези на нивниот следен состанок во јуни, иако што ќе се случи потоа е помалку јасно.

Пазарите на пари во моментов ценат околу 85 базични поени на монетарно олеснување во 2024 година. Тоа подразбира најмалку три намалувања од четвртина процентен поен, со околу 40 отсто шанси и за четврто намалување. 

Симкус, инаку, додаде дека „каматните стапки ќе се намалат и оваа и следната година“. Тој вели дека нема итност намалувањата да бидат поголеми од 25 базични поени. „Има јасен тренд на дефлација, иако домашните притисоци сè уште остануваат врз инфлацијата“. 

Во моментов нема коментари за веста. Биди прв да коментира...

Остави коментар