ББА коментар: ЕЦБ ќе ја намали каматата за 25 базични поени

На овонеделната седница очекуваме продолжување на монетарното олеснување и намалување на депозитната каматна стапка за дополнителни 25 базични поени, на ниво од 3,25 отсто, што е најниско ниво од шестиот месец од 2023 година.

Инфлацијата е закотвена и полека го губи приматот во одлуките на ЕЦБ. Во деветтиот месец имавме благ пад на месечно ниво од 0,1 процент, додека годишната вкупна стапка на инфлација е на ниво од 1,8 проценти. Сега очекуваме ЕЦБ повеќе да се фокусира на настаните на пазарот на трудот и состојбата на економијата, особено на индустрискиот дел. Имено, индексот на доверба на произведувачите (PMI) и понатаму е само 45, додека германскиот е само 40,6, што е далеку под 50 (под 50 значи дека има контракција на секторот). Исто така, иако невработеноста во еврозоната е прилично ниска и изнесува 6,4 проценти, некои индустриски компании (особено германските) најавија намалување на бројот на вработени, како што се БАСФ (BASF), „Тхсајенкруп“ (Thsyennkrupp) и „Фолксваген“ (Volkswagen), што може да го намали притисокот врз пазарот на трудот и да ги намали очекувањата на вработените за зголемување на платите и следствено да изврши дополнителен притисок врз цените.

На последната седница годинава во дванаесеттиот месец очекуваме многу веројатно уште едно намалување на каматната стапка, доколку продолжат лошите вести во сегментот на индустријата. Согласно нашите очекувања, тримесечниот ЕУРИБОР до крајот на годината ќе се намали кон три проценти, што благо ќе го намали притисокот врз кредитите со променливи каматни стапки.

Во моментов нема коментари за веста. Биди прв да коментира...

Остави коментар