Економијата на Велика Британија забележа пад во вториот квартал за прв пат по пандемијата.
Бруто домашниот производ падна за 0,1 отсто во вториот квартал, откако претходно годината започна со 0,8 отсто раст во првото тримесечје. Според статистичките пресметки, падот во месец јуни е 0,6 проценти.
Иако во тековниот квартал се очекува техничко заздравување на економијата, сепак прогнозите не се оптимистички.
Со порастот на инфлацијата и цените на енергијата, за кои се очекува дополнителен скок во ноември, централната банка предвидува дека Велика Британија на крајот од оваа година ќе влезе во рецесија и се очекува состојбата да потрае до втората половина од 2024 година.
Централната банка ја зголеми основната каматна стапка на 1,75 проценти, а во декември изнесуваше 0,1 отсто, а веќе во септември се очекува уште едно зголемување за половина процент. Според главниот економист на банката, Хју Пил, зголемувањето на каматните стапки во борбата против инфлацијата ќе го забави растот, но приоритет е на долг рок економијата да се стабилизира.
.webp){kind=icon}
