Инфлацијата во Велика Британија порасна над очекувањата и сега е на највисоко ниво во последните 40 години, зголемувајќи го притисокот и врз потрошувачите, но и врз Владата и централната банка за преземење мерки.
Индексот на потрошувачките цени во јули порасна за 10,1 отсто во однос на претходната година, соопшти Канцеларијата за национална статистика. Економистите очекуваа раст од 9,8 отсто.
Bloomberg
Повисоките цени на храната најмногу придонесоа за растот во јули што укажува на тоа дека инфлаторниот притисок се шири надвор од цените на енергенсите. Фунтата, по објавувањето на податокот, на кратко скокна на максималмните 1,2143 во однос на доларот, но потоа повторно почна да губи вредност.
„Цените на храната значително пораснаа, посебно пекарските и млечните производи, месото и зеленчукот“, вели Грант Фицнер, главен економист на државната статистика. „Растот на цените на другите основни производи, како што е храната за домашните миленичиња, тоалетната хартија, четките за заби, дезодорансите исто така влијае на растот на инфлацијата во јули“.
Bloomberg
Овие бројки придонесуваат за кризата, а платите не го стигнуваат растот на цените и услугите од сите видови. Ендру Бејли од Банката на Англија сигнализираше дека е подготвен за дополнително подигнување на каматните стапки, а кандидатите кои имаат намера да го заменат Борис Џонсон на премиерската позиција, ветуваат понатамошна помош за оние кои се борат да си ги платат сметките.
Еконмистите се се поголеми песимисти кога се работи за Велика Британија, а ризкот од рецесија сега е многу поверојатен заради се поголемиот притисок на трошоците. Банката на Англија очекува дека рецесијата ќе почне во четвртиот квартал и ќе трае до почетокот на 2024 година.
Централната банка очекува дека инфлацијата ќе надмине 13 отсто подоцна годинава, кога регулаторот ќе дозволи раст на цените на енергенсите. Тоа ќе биде најлошата инфлација по септември 1980 година кога владата на Маргарет Тачер се бореше да ги стави под контрола цените и платите.
Посебните податоци покажуваат дека притисокот од цените на гасот попуштаат, при што цените на горивата и суровините пораснале само за 0,1 отсто во јули што е најмал месечен раст од декември наваму. Цените на инпутите на годишно ниво растеа со стапка од 22,6 отсто, што е малку под рекордот од јуни 2022 година.
Цените на производите на месечно ниво пораснале за 1,6 отсто и за 17,1 отсто во однос на претходната година, што е најголем раст од 1977 година.
„Цените на суровините и стоките кои доѓаат од фабриките и натаму растат, движени од цените на металите и храната“, вели Фицнер.
Бејли за растот на инфлацијата ја обвини Русија која ја прекина испораката на гас, што пак ги зголеми цените на струјата низ Европа.
Тие зголемувања влегуваат во цените на стоките и услугите, што ги наведува луѓето низ земјата да бараат поголеми плати. Железничарите планираат уште една рудна штрајкови неделава, а наставниците, адвокатите и медицинските сестри размислуваат за сопствени акции.
Реалните плати, прилагодени на инфлацијата, во јуни паднале за три отсто за три месеци, што е најбрзо темпо откако се води оваа евиденција од 2001 година. Вработеноста порасна за 160.000 во вториот квартал, што е за 46 отсто помалку споредено со трите месеци пред мај, а бројот на слободните работни места падна прв пат по август 2020 година.
„Кризата на трошоците на живот сега е многу реална и за домаќинствата и за фирмите, така што мора да постои конкретен пат за поддршка на најранливите групи со високите сметки за енергија“, вели Алпеш Палеја, водечки економист во Британската конфедерација за индустрија.
.webp){kind=icon}
