Депозитната база ќе расте, а кредитирањето ќе се намалува, вели во изјава за Блумберг Адрија ТВ, универзитетскиот професор, Синиша Наумоски по вчерашното значајно зголемување на каматната стапка од страна на Народната банка на Македонија. Според него, тоа беше очекуван потег со оглед на стапката на инфлација во земјава.
Наумоски вели дека стабилизација на цените на глобално ниво ќе има дури во 2024 година кога инфлацијата ќе се врати на целните 2,3 отсто. За следната година Европската централна банка (ЕЦБ) и Меѓународниот монетарен фонд (ММФ) прогнозираат стапка на инфлација од околу шест отсто.
„Загрижува времето кога ќе се стабилизира инфлацијата. Тоа е втората половина на 2023 година. Едноцифрена стапка на инфлација е добра за економскиот раст. Во ова време имате два избора, метафорички кажано треба да бирате меѓу чума и колера, односно да бирате меѓу ниска стапка на инфлација за сметка на уништувањето на и така кревкиот економски раст“, вели Наумоски.
Целиот разговор погледнете го во видеото погоре.
.webp){kind=icon}
