.webp){kind=icon}
Рецесијата во земјите од ЕУ се чини дека е се поизвесна, а според дел од стручната фела, рецесивниот бран нема да ја одмине и Македонија. Главни причини за кризата се рекордната инфлација и скапите енергенти.
Заменик-директорот на Виенскиот институт за меѓународни економски студии, Ричард Гривесон во изјава за „Блумберг Адрија“ вели дека очекува рецесија да има и во регионот Адрија во текот на зимата и неизвесно е колку ќе трае. Според него, владите мора со конкретни мерки да ги поддржат ранливите категории граѓани. Тој како проблем го посочува задолжувањето на државите на финансиските пазари, бидејќи кредитите и каматите сега ќе бидат повисоки од претходно.
За Македонија, дополнителен проблем е и заканата за рецесија во Германија, од која и зависи речиси половина од извозот. Според Гривесон одговорот на борбата со енергетско-економската криза пак, е зелената транзиција кон обновливи извори на енергија.
