.webp){kind=icon}
„Понудата на користени возила е сосема доволна во однос на пазарот и побарувачката на возила во нашата држава“, вели во разговор за Блумберг Адрија ТВ Александар Димовски, кој се занимава со увоз на половни автомобили.
Според него, годинава има пад на увозот на возила, а тоа се должи на повисоките цени во западноевропските земји и зголемените давачки при увоз на возилата во државава.
„Пазарот беше стабилен до 2019 година, првата криза се случи во 2020-та, со корона-кризата и недостигот од нови возила, односно оттука почнаа да растат цените. Трендот на зголемување сè уште ќе постои, a очекуваме дека следната година ќе има некаква стабилизација на цените, од причина што ќе се појават нови возила, барем според најавите на производителите“, вели Димовски.
Тој нагласува дека цените сигурно нема да се вратат на претходното ниво, како што биле минатата и предминатата година или пред корона-кризата.
„Мала тенденција на раст ќе има, а најголемиот раст се случи од минатата до оваа година, од 25 до 30 проценти на цената на возилата“, посочува Димовски.
Целиот разговор со него погледнете го на видеото во рамките на објавата.
