Голем интерес за граѓанската обврзница – македонските граѓани купија 23,5 милиони евра, што е двојно повеќе од понуденото во проспектот. Министерството за финансии имаше успешна операција за издавање на граѓанска обврзница, затоа што беше погоден моментот, смета универзитетскиот професор Трајко Славески, кој зборуваше за „Блумберг Адрија“. Тој посочува дека инфлацијата во Македонија е една од највисоките во регионот, а штедачите губат на своите заштеди од реалната вредност.
„Оттука доаѓа интересот на граѓаните за ширење на нивното порфолио со некое средство за чување на имот како што се обврзниците коешто носи повисок принос во однос на депозитите“, посочува Славески.
Славески смета дека банките во Македонија не ја следат политиката на Централната Банка за зголемување на каматните стапки, особено оние на штедните влогови. Но додава дека добро е испланирана целата операција за оздавање на, како што вели брендирана обврзница граѓанска.
„Станува збор за форма на имот. Но, треба да се забележи дека бројот на граѓани коишто запишале средства за обврзницата е релативно мал 1283. Тоа го оставам на аналитичарите да го анализираат подоцна, вели Слевски и додава многу е битно како Министерството за финансии ќе ги користи, односно менаџира средствата во иднина за продуктивни цели.
Неколку општини пак се заинтерсирани за издавање на обрзници и тие веќе бараат дозвола од Министерството за финансии, а дел веќе добија таква дозвола.
„Досега, министерството за финансии е прилично конзервативно и не е многу расположено да дава дозвола на општините да се задолжуваат во онаа намера во која тие сакаат, сметајќи дека така ќе крираат долгови, кои не ќе имаат од каде да ги враќаат со оглед на нивните сопствени приходи“, вели Славески.
Во однос на инфлацијата Славески смета дека е добро што истата се намали под 10 отсто, но посочува дека инфлаторните притосоци постојат и натаму.
.webp){kind=icon}
