Состојбата на директни инвестиции во Македонија на крајот од минатата година изнесува 7.013.000.000 евра (или 54,4 проценти од проценетиот податок за БДП) од кои 4,9 милијарди евра се вложувања во сопственички капитал, додека две милијарди евра се вложувања во должнички инструменти, покажуваат податоците на Народната банка.
Анализирано по земји, највисоки директни инвестиции, во вредност од 1.053.000.000 евра се регистрирани од Австрија, по што следува Грција, со директни инвестиции во вредност од 729 милиона евра. Во групата на пет најголеми странски инвеститори во земјата спаѓаат и Обединетото Кралство (со 634 милиона евра), Германија (со 572 милион евра) и Холандија (со 544 милиони евра). На овие пет земји отпаѓа 50,3 проценти од вкупните директни инвестиции во анализираниот период.
Анализирано по дејности на инвестирање, од вкупните директни инвестиции, 2,4 милијарди евра или 35 проценти се инвестирани во дејноста „производство”, додека 1,5 милијарди евра или 21,7 проценти во дејноста „финансиски и осигурителни активности”.
.webp){kind=icon}
Во моментов нема коментари за веста. Биди прв да коментира...