.webp){kind=icon}
Според податоците на Државниот завод за статистика, во мај 2022 година, продажните цени на производителите на индустриски производи, вкупно се повисоки за 0,2 проценти на месечно ниво, а за 21,5 проценти на годишно ниво.
„Во мај 2022, во споредба со април 2022 година, продажните цени на производителите на индустриски производи, вкупно, се повисоки во секторот рударство и вадење на камен за 3,6 проценти, а се пониски во секторот преработувачка индустрија за 0,1 процент и во секторот Снабдување со електрична енергија, гас, пареа и климатизација за 0,2 проценти“, соопшти ДЗС.
Во мај 2022, во споредба со мај 2021 година, продажните цени на производителите на индустриски производи, вкупно, се повисоки во секторот рударство и вадење на камен за 23 проценти, во секторот преработувачка индустрија за 20,6 проценти и во секторот снабдување со електрична енергија, гас, пареа и климатизација за 35,4 проценти.
Истовремено, продажните цени на производителите на индустриски производи на странските пазари на месечно ниво се пониски за 0,2 проценти, а на годишно ниво се повисоки за 21,5 проценти.
„Во мај 2022, во споредба со април 2022 година, продажните цени на производителите на индустриски производи на странските пазари се повисоки во секторот рударство и вадење на камен за 4,9 проценти, а во секторот преработувачка индустрија се пониски за 0,6 проценти. Во мај 2022, во споредба со мај 2021 година, продажните цени на производителите на индустриски производи на странските пазари се повисоки во секторот рударство и вадење на камен за 31 проценти, а во секторот преработувачка индустрија за 20,6 проценти“, информираат од ДЗС.
