.webp){kind=icon}
Според податоците на Државниот завод за статистика, бројот на работниците во индустријата во октомври 2023 година се зголемил за 2,9 проценти во однос на октомври 2022 година.
Бројот на работниците во секторот рударство и вадење на камен во октомври 2023 година, во однос на октомври 2022 година, бележи опаѓање од 0,4 проценти, во секторот преработувачка индустрија пораст од 3,5 проценти, а во секторот снабдување со електрична енергија, гас, пареа и климатизација опаѓање од 5,1 процент.
„Според главните индустриски групи, бројот на работниците во индустријата во октомври 2023 година, во однос на октомври 2022 година, бележи пораст кај капиталните производи за 17,5 проценти и нетрајните производи за широка потрошувачка за 0,2 проценти, додека опаѓање бележи кај енергијата за 4,2 проценти, кај интермедијарните производи, освен енергија за 4,1 проценти и кај трајните производи за широка потрошувачка за 4,1 проценти“, соопшти ДЗС.
Бројот на работниците во индустријата во периодот јануари-октомври 2023 година, во однос на периодот јануари-октомври 2022 година се зголемил за 1,2 проценти.
