Мерките ги даваат своите резултати во делот на зачувување на животниот стандард. Во случај одредена мерка да се злоупотреби не само што ќе ја продолжиме, туку и ќе ги зајакнеме инспекциските капацитети најавува министерот за економија Крешник Бектеши.
Мерката за замрзнати цени на прехранбените производи и по 1 јануари доколку има потреба ќе продолжи.
„Генерално прехранбената индустрија посебно трговијата на мало со храна и пијалаци веќе ја знаат лекцијата дека од страна на Министерството за економија нема да бидат дозволени злоупотреби„ рече Бектеши
Според Бектеши деветиот пакет на антикризни мерки не треба да се толкуваат како предизборни, бидејќи помошта е ветена од почетокот на годината.
МИА
„Мерките се ветени на семејствата кои навистина имаа проблеми во делот на справување со инфлацијата и со енергетската криза. Над 7.000 домаќинства во наредните денови добиваат директна субвенција како ранливи категории од страна на Министерството за економија за исплата на нивните фактури за потрошена електрична енергија“ вели.
Истакна дека почнувајќи од септември годинава просечната плата повеќе се зголемува отколку инфлацијата.
„За инфлацијата има податоци од октомври и ноември кои се помали од пет отсто иако и моето и ветувањето на премиерот Ковачевски беше дека инфлацијата во декември ќе биде под пет отсто“, посочи Бектеши.
.webp){kind=icon}
