Глобалните цени на храната забележаа најголем годишен пад од 2015 година

Глобалните цени на храната забележаа најголем годишен пад од 2015 година, сигнализирајќи дека пониските цени на храната во големопродажба почнуваат да се шират до полиците на супермаркетите.

Индексот на цените на прехранбените производи создаден од Организацијата за храна и земјоделство на Обединетите нации падна за околу 10 отсто во 2023 година, според податоците објавени во петокот.

И покрај тоа што индексот ги следи трошоците на суровите производи наместо цените на мало, големиот пад може да укаже на потенцијално олеснување и за потрошувачите. Сега цените на храната се намалуваат од ценовниот врв кој беше регистриран во 2022 година што всушност следеше по руската инвазија на Украина и придонесе за криза на трошоците за живот во сите земји низ светот.

Bloomberg Mercury

Цените на фјучерсите на пченката и пченицата го забележаа својот најголем годишен пад во последната деценија минатата година, бидејќи загриженоста за понудата се намали. Цените на фјучерсите на свинското месо и на палминото масло, исто така, забележаа голем пад.

Додека индексот на ОН сега е на најниско ниво од февруари 2021 година, на намалените трошоци во големопродажба им треба одредено време за да се рефлектираат во супермаркетите и на потрошувачите. Сепак, постојат знаци дека инфлацијата на храната се намалува. Показателот драстично падна во Обединетото Кралство минатиот месец на најниско ниво од јуни 2022 година, додека растот на цените на храната, горивото и алкохолот исто така забави во Нов Зеланд. Во Пакистан, поголемото производство веројатно ќе помогне да се забави поскапувањето на храната.

Индексот на житото на ФАО падна за повеќе од 16 проценти во споредба со ова време минатата година, и покрај тоа што благо се зголеми минатиот месец поради нарушувањето на испораките од клучните извозници поврзани со временските услови. Според организацијата, во декември паѓаат индексите на цените на шеќерот, растителните масла и месото „повеќе од неутрализирано зголемување на млечните производи и житарките“.

За декември, индексот на цените на прехранбените производи е за 1,5 отсто понизок од пред еден месец.

По Божиќ нов податок за инфлацијата во Македонија

Државниот завод за статистика во вторник, следната недела ќе ги објави податоците за стапката на инфлација во декември 2023 година. Во ноември индексот на трошоците на животот во ноември 2023 година, во однос на ноември 2022 година, бележи зголемување од 3,1 проценти, а индексот на цените на мало бележи зголемување од 3,4 проценти.

 

 

Пораст на индексите на трошоците на животот во ноември 2023 година, во споредба со претходниот месец, е забележан кај виното и цигарите за 5,1 проценти, пивото за 2,4 проценти, свежиот и разладениот зеленчук, освен компирите и другите коренести плодови за 2,3 проценти, жестоките пијалаци за 1,1 процент, минералната вода, газираните пијалаци, соковите од овошје и зеленчук за 0,4 проценти, маслото и маснотиите за 0,2 проценти.

Во моментов нема коментари за веста. Биди прв да коментира...

Остави коментар