Македонија е на добар пат годинава да урне нов рекорд во увозот на производи од Кина ако се земе предвид дека во првите шест месеци од годинава тој изнесувал 569 милиони евра, а лани бил остварен вкупен увоз од 1,077 милијарда евра, што е најголема вредност откако се води евиденција за трговијата меѓу двете земји. Во првата половина од годинава, пак, во Кина биле извезени производи од Македонија во вредност од 24,6 милиони евра.
Статистичките податоци за трговската размена откриваат дека азискиот економски гигант од незначителен трговски партнер на Македонија стана редовен член на листата пет земји со кои нашата држава има најголема трговска размена.
При тоа, значајно е да се забележи дека се продлабочува трговскиот дефицит на Македонија со Кина. Имено, во периодот од 2005 до 2024 година увозот од Кина се зголемил од 92 на над милијарда евра, што е раст од над десет пати за дваесет години. Од друга страна, македонскиот извоз кон Кина во овој период се зголемил од 7,6 милиони евра на 52,4 милиони евра.
Прочитај повеќе
Македонскиот извоз расте со побрзо темпо од увозот
Раст на извозот од 2,9 проценти, а на увозот од 2,4 проценти во првата половина од 2025 година споредено со истиот период минатата година.
05.08.2025
Увоз на половни наспроти нови возила: Македонија близу до 4:1
За пет месеци се увезени 30.000 возила.
04.07.2025
Дваесет и пет години подоцна: Купувај македонско – но што?
Владата ќе ја враќа кампањата за купување домашни производи.
02.07.2025
Новите кралеви на патиштата во регионот Адрија доаѓаат од Кина
Кинеските модели, кои некогаш беа оспорувани поради незадоволителен квалитет и дизајн, денес носат привлечна комбинација од конкурентни цени, напредна технологија и прифатлива електрификација, со што поставуваат нови стандарди за пазарите традиционално доминирани од европски, јапонски и јужнокорејски брендови.
30.05.2025
Најмногу увезуваме машини и транспортни уреди
Во Македонија од Кина во првата половина од годинава биле увезени речиси 900 видови производи од различни групи, а убедлива најголема вредност од 321 милиони евра во вкупниот увоз зафаќаат производите од групата машини и транспортни уреди.
Забележително е дека во лепезата производи што се увезуваат од Кина може да се најдат и различни прехранбени производи меѓу кои кромид и лук, семенски материјал, парфеми и други козметички производи, како и клима уреди, телефони и компјутери. Од другата страна, во македонскиот извоз кон Кина доминираат различните видови суровини.
„Тему“ им отвори работа на поштенските компани
„Блумберг Адрија“ во повеќе наврати пишуваше за шопинг-треската што во светот и кај нас ја предизвика кинеската компанија за онлајн малопродажба „Тему“, која само се надоврза на постоечката еуфорија по производи од „Алиекспрес“. Нарачките на македонските граѓани од овие кинески компании им отворија работа на поштенските компании кои забележаа раст на прометот.
Според податоците на Државниот завод за статистика, лани над 70 проценти од корисниците на интернет во Македонија онлајн најмногу нарачувале односно купувале облека (вклучително и спортска облека), чевли и додатоци (чанти, накит и друго).
.webp){kind=icon}
Во моментов нема коментари за веста. Биди прв да коментира...