Турската инфлација расте веќе седумнаесетти месец по ред, доведувајќи ги цените на храната и енергијата веројатно до својот врв во последните две децении, време на власт на претседателот Реџеп Таим Ердоган. Потрошувачките цени пораснаа за 85,5 проценти во текот на минатиот месец, споредено со ланскиот октомври, покажуваат денеска објавените податоци. Тоа е малку пониско од прогнозата на аналитичарите кои ги анкетираше Блумберг.
Инфлацијата на месечно ниво изнесува 3,54 отсто. Креаторите на монетарната политика која треба да ја заузда инфлацијата, обвинија дека високите цени на производите главно се последица од руската инвазија врз Украина. Но, тоа што помалку се признава е влијанието на економската политика на Ердоган, која одбива подигнување на каматните стапки со цел да се заузда инфлацијата. Економистите сметаат дека цените би можеле да се оладат во последните месеци од годинава.
„Минатогодишниот валутен шок во комбинација со монетарната политика доведе до влошување на економските очекувања“, рече економистот Џем Чакмакли. Додека месечната инфлација на крајот од 2021 беше двоцифрена, оваа година е едноцифрена, што доведува до тоа дека инфлацијата на крајот на годинава ќе падне на околу 70 проценти, додава тој.
Bloomberg Mercury
Ако се земат предвид податоците за инфлацијата за храна и безалкохолни пијалоци, кои всушност сочинуваат околу една четвртина од потрошувачката кошничка, ќе видиме дека тие цени минатиот месец пораснале за 99,1 отсто. Превозот поскапел за 117,2 проценти и претставува најголем ценовен скок меѓу главните компоненти.
„Инфлацијата веројатно ќе забави во претстојните месеци поради базичните ефекти. Очекуваме дека стапката на крајот на годината ќе биде околу 75 проценти. Нивото ќе остане високо бидејќи тековниот циклус за олабавување на каматите од турската централна банка продолжува да ја намалува вредноста на лирата и придонесува за раст на цените. Претходниот циклус на олабавување, кога банката ги намали каматните стапки за 500 базични бодови до крајот од 2021 година, предизвика криза на лирата и стапка на инфлација од нешто помалку од 80 отсто. Овој пат и отпорноста на лирата и очекувањата за инфлацијата ќе се соочат со големи предизвици, како поради лабавата монетарна политика на централната банка следена од експанзивна фискална политика, така и поради тоа што земјата се подготвува за избори следната година“, вели економистот на Блумберг, Селва Бахар Базики.
.webp){kind=icon}
