Германскиот канцелар Олаф Шолц го искористи состанокот со канадскиот премиер Џастин Трудо, на маргините на Г7, за да изврши притисок за поблиска енергетска соработка додека неговата владејачка коалиција во Берлин e во трка да најде алтернативи за руските фосилни горива.
Германија се надева дека ќе увезе течен природен гас (ЛНГ) од Канада за да го замени рускиот гас, на кој сè уште се потпира со повеќе од една третина од вкупниот увоз, што е сепак помалку од половина колку што беше пред војната во Украина. Германија и Канада ги разгледуваат опциите за терминал за ЛНГ на источниот брег на Канада за извоз во Европа, соопштија германските власти.
На состанокот кој се одржа во понеделникот на маргините на самитот на Групата 7 во Баварија, Шолц и Трудо разговараа како да се одржи притисокот врз рускиот претседател, Владимир Путин и да се намали зависноста од Русија во однос на енергенсите. „Двете земји ќе соработуваат уште подобро отколку што веќе соработуваат“, најави Шолц.
Прочитај повеќе
Како Европа стана зависна од рускиот гас
Купувачите од ЕУ бараат алтернативи, но руските количини се премногу големи за да се заменат на краток рок
03.07.2022
Германија ќе затвора индустрии ако нема доволно природен гас
Се заканува недостиг од гас доколку испораките од Русија останат на сегашното ниско ниво
24.06.2022
Европа се подготвува за тешка зима
Ако Германија веќе вели дека за време на зимата ќе има недостиг на гас, тоа значи дека влијанието ќе биде големо во сите други европски земји
24.06.2022
Шолц планира да го посети Трудо во Канада кон крајот на август, а германските власти се надеваат дека двете земји дотогаш ќе можат да објават договор за ЛНГ.
Договор не може да се постигне премногу брзо бидејќи сепак станува збор за најголемата европска економија. Владата на Шолц минатата недела предупреди дека неодамнешните руски потези за намалување на испораките на гас во Европа претставуваат ризик да се предизвика колапс на енергетските пазари.
Министерот за економија Роберт Хабек го подигна нивото на ризик за гас во земјата на втората највисока фаза на алармот.
Канада е меѓу најголемите светски производители на природен гас, но нема извозна инфраструктура на источниот брег. Изградбата на нов терминал за ЛНГ би можела да потрае една деценија за да мине низ регулаторниот процес и најверојатно ќе се соочи со противење од страна на еколошките групи.
Сепак, постои увозен терминал во сопственост на шпанската компанија „Репсол“ (Repsol SA), кој може релативно брзо да се претвори во терминал за извоз. Доколку компанијата одлучи да го стори тоа, канадскиот министер за природни ресурси, Џонатан Вилкинсон, рече дека терминалот може да започне со испорака на гас за три до четири години.
„Ние сме заинтересирани да се обидеме да им помогнеме на нашите пријатели во Германија, а Германците нè притискаа да се обидеме да направиме што можеме“, изјави Вилкинсон во интервју за Bloomberg минатата недела.
Но, тој додаде дека Владата на Канада никогаш нема сама да ја објави одлуката за овој проект, бидејќи приватниот сектор е тој што ќе инвестира милијарди долари во него.
Друга загриженост за двете земји е дека потпишувањето на долгорочен договор за природен гас може да ја загрози нивната посветеност да се префрлат од фосилните горива. Канада нагласи дека ќе бара секој нов терминал за ЛНГ да има ниска емисија и да може да извезува водород во иднина.
.webp){kind=icon}