Кинескиот извоз падна трет месец по ред во јули поради падот на глобалната побарувачка, додека увозот нагло се намали бидејќи домашните притисоци го ослабнаа закрепнувањето на економијата. Извозот падна за 14,5 отсто минатиот месец во споредба со истиот период минатата година, додека увозот падна за 12,4 отсто, објави во вторникот Царинската управа на Кина. Тоа резултира со трговски суфицит од 80,6 милијарди долари во јули.
Економистите анкетирани од „Блумберг“ предвидоа дека извозот ќе се намали за 13,2 отсто, додека увозот ќе се намали за 5,6 отсто. Продлабочениот пад на увозот „одразува слаба домашна побарувачка“, рече Џанг Живеи, главен економист во „Пинпоинт асет менаџмент“ (Pinpoint Asset Management Lt). Генерално, растот на потрошувачката и инвестициите веројатно ќе останат доста слаби во Кина. Некои економисти рекоа и дека падот на увозот е предизвикан од падот на цените на суровините.
Bloomberg
Економското закрепнување на Кина оваа година се очекуваше да биде поттикнато од силната домашна побарувачка, но падот на пазарот на недвижности го погоди градежништвото, додека растот на потрошувачката забавува, проблеми што се одолжуваат пет последователни месеци.
Податоците што ќе се објават в среда се очекува да покажат пад на потрошувачките цени во јули, а тоа ќе биде доказ за недостиг од побарувачка. Некои економисти исто така падот на увозот му го припишуваат на падот на цените на суровините, што значи дека иако кинеските фабрики сè уште купуваат материјали, тие го прават тоа по пониски цени. На пример, вредноста на увозот на сурова нафта падна за повеќе од 12 отсто во првите седум месеци од 2023-та споредено со претходната година.
Кинеската централна банка во вторникот го постави фиксирањето на јуанот на најслабото ниво во речиси еден месец, потег што сигнализираше одредена толеранција на мекоста на валутата и што предизвика распродажба на јуанот на девизниот пазар. „Дозволувањето одредени флуктуации во вредноста на јуанот треба да биде од корист за економијата, со оглед на тоа што послабата валута може да обезбеди поголема поддршка за извозот“, рече Кен Чеунг, главен стратег за „Азија ФХ“ (Asia FX).
Азија е меѓу најтешко погодените региони од падот на кинеската побарувачка, при што увозот од Јужна Кореја, Јапонија, Тајван и земјите од Југоисточна Азија падна со двоцифрен процент. Увозот од САД е намален за 11,2 отсто, а од Европската Унија за три отсто.
Од друга страна, извозот паѓа поради забавувањето на побарувачката од странство, што го оневозможува одржувањето на рекордните нивоа на пратки забележани во 2021 и 2022 година, за време на пандемијата. Испораките во САД паднаа за 23,1 отсто во јули, според податоците на царината. Извозот на другите пазари, вклучувајќи ги и Јапонија, Јужна Кореја, Тајван, Европската Унија, Бразил и Австралија, исто така падна со двоцифрен процент.
.webp){kind=icon}
Во моментов нема коментари за веста. Биди прв да коментира...