Извештајот за вработеноста во САД за јуни ги намали притисоците врз Федералните резерви (Фед) да се насочат кон намалување на каматните стапки во блиска иднина, што веројатно ќе ја остави централната банка настрана барем до есен.
Според Бирото за трудова статистика, американските работодавци во јуни отворија повеќе работни места отколку што се очекуваше, а невработеноста благо се намали, што укажува на релативно цврст пазар на трудот. Меѓутоа, под површината, податоците укажуваат на слабости, особено во приватниот сектор, каде што растот на вработеноста беше најмал од октомври. Тоа претставува потенцијален сигнал за забавување на економијата, што би можело да ги зголеми ризиците во текот на годината.
Економистите посочуваат дека, иако бројките на прв поглед изгледаат охрабрувачки, тие не ја откриваат целосната слика. Намалувањето на невработеноста доаѓа со пад во стапката на учество на пазарот на трудот, што значи дека помал процент од населението активно бара или има работа. Една од причините за тоа е и заострувањето на имиграциските политики, кои значително го намалија бројот на работници родени надвор од САД што се појавуваат на пазарот.
Прочитај повеќе
Мнозинството во Фед се противи на намалување на каматите во јули
Креаторите на политиките чекаат повеќе информации за да ги намалат каматите
27.06.2025
Доларот ослабе поради гласините за смена на Пауел
Индексот на доларот на „Блумберг“ падна на најниско ниво во последниве три години, откако „Волстрит журнал“ објави дека Трамп би можел да посочи замена за Пауел веќе во септември или октомври.
26.06.2025
Во светло на овие податоци, претседателот на Фед, Џером Пауел, има простор да ја одржи моменталната политика без промени, додека набљудува како ќе се развиваат економските услови. Експертите се согласни дека централната банка ќе се насочи кон „стратегијата на чекање“ во текот на летото, а евентуалните намалувања на каматните стапки би можеле да се случат подоцна, можеби дури во септември.
Сепак, некои економисти предупредуваат дека слабоста во приватниот сектор и влијанието на царините наметнати од администрацијата на претседателот Трамп можат да резултираат со потреба за поагресивна интервенција од страна на Федералните резерви. Тоа е поддржано и од фактот што, иако инфлацијата сè уште не е експлозивна, постои неизвесност околу нејзините изгледи.
Инвеститорите сега го насочуваат вниманието кон идните извештаи за инфлацијата, како и развојот на ситуацијата околу царините, кои ќе бидат клучни за определување на следните чекори на Фед. Засега, трендот е дека пазарот очекува барем две намалувања на каматните стапки до крајот на годината, од кои првото веројатно во септември.
.webp){kind=icon}
Во моментов нема коментари за веста. Биди прв да коментира...