Валканата историја на Биткоин нуди лекција за ВИ

Зголемениот интерес за системите за вештачка интелигенција (ВИ) дополнително ќе ги оптоварува светските енергетски мрежи, со потенцијал да се натпреварува со огромната потрошувачка на енергија забележана од Биткоин. За среќа, водечката криптовалута ни покажа начин да го ублажиме таквото влијание.

Удвојување на приходите од бизнисот на платформата за центри за податоци во „Енвидија“ (Nvidia Corp.) во последниот квартал покажува дека побарувачката за генеративни апликации како ЧетГПТ (ChatGPT) сè уште не го достигнала врвот. Американскиот производител на чипови е клучен добавувач на „лопати“ во оваа златна треска со вештачка интелигенција, но тие процесори не се евтини, ниту пак се произведуваат брзо. Неговиот најнов предводник „Грејс Хупер Суперчипот“ (GH200 Grace Hopper Superchip), кој е со големина на разгледница, троши до 1.000 вати струја - еквивалент на пренослив грејач.

Додека повеќето клиенти се одлучуваат за нешто помалку фенси варијанти од суперчипот, тие сепак ги купуваат на големо за да се приклучат на огромниот сервер за вештачка интелигенција и токму тука доаѓа во игра гладта за енергија.

Една студија објавена минатата година ја разгледа потрошувачката на енергија потребна за обука на голем јазичен модел што се користи за производство на текст на повеќе јазици. Стартапот на „Блум“ (BLOOM) наречен „Хагинг Фејс“ (HuggingFace) извлече 176 милијарди параметри од 1,6 терабајти податоци. Според авторите на студијата, на сет од 384 „Енвидија“ графички процесори A100 - GPU биле потребни повеќе од 118 дена за обработка на податоците. Потрошувачката на електрична енергија од работењето на толку многу графички процесори за толку долго време, најверојатно создала 24,7 тони јаглерод диоксид, проценуваат тие. Но, реалните трошоци се удвојуваат на 50,5 тони кога ќе се земат предвид мрежните врски и времето на прекин на целиот систем.

Дури и тогаш, тренирањето на моделот е само почеток. Според „Амазон“ (Amazon.com Inc.), која има свои сервери за вештачка интелигенција, 90 отсто од трошоците за водење на вештачката интелигенција доаѓа во следната фаза кога корисниците ќе побараат од моделот некакви резултати - како, на пример, да побараат од ЧетГПТ рецепт за чоколадни колачиња.

Потрошувачката на енергија за спроведување на податоците, наречена заклучување, е тешко да се пресмета, но се верува дека е околу 10 пати поголема од онаа што се бара во првата фаза на обука - што во превод значи 500 тони CO2. И едно генеративно барање за вештачка интелигенција може да има јаглероден отпечаток четири пати поголем од пребарувањето на Гугл, според една проценка.

Огромното потпирање на енергија за обработка на податоците е вградено во дизајнот на протоколот на Биткоин и помага да се објасни зошто бранот на полупроводници и сервери е лансиран низ светот со надеж за ископување на дигитално злато. Тековна студија на Универзитетот во Кембриџ проценува дека Биткоин е одговорен за 72,5 милиони тони јаглерод диоксид. Таа бројка би можела да достигне три милиони тони, доколку сите „рудници“ на биткоин работат на хидроелектрична енергија. Во споредба со расипништвото на криптовалутите, 500 тони јаглерод диоксид од една рунда обука и распоредување изгледа како ништо. Сепак, тоа е сепак еквивалент на возење милион милји во автомобил на гас или 500 летови од Њујорк до Франкфурт.

Работите се‘ уште се во рана фаза. Најмалку десетина големи технолошки компании брзаат да изградат и имплементираат генеративни производи со вештачка интелигенција, вклучувајќи ги „Амазон“, „Алфабет“, „Мајкрософт“, „Опен Еј-АЈ“, „Мета“ и други. Сите се во трката да се надминат едни со други и поради тоа тие нема да седат со скрстени раце кога моделот ќе биде обучен, туку ќе продолжат да купуваат процесори жедни за енергија за да анализираат сè поголеми количини на податоци. Откако тоа ќе се направи, тие ќе се натпреваруваат меѓусебно за да им ги сервираат резултатите на потрошувачите во форма на есеи од факултет, лажни видеа и синтетички верзии на музиката на Пинк Флојд.

Додавање масло на огнот е фактот дека во моментов повеќето тренинзи за вештачка интелигенција се напојуваат од фосилни горива. Овие фарми за сервери брзо се прошируваат на постоечки локации, често илјадници милји оддалечени од хидроелектричните централи или соларните полиња. Бидејќи доцнењето на мрежата е проблем при одговарање на барањата на Интернет, тие треба да бидат блиску до крајниот корисник, а не оддалечени илјадници милји.

Но, Биткоинот веќе го отвори патот за индустријата за вештачка интелигенција. Студената клима со многу обновливи извори на енергија го направи совршено место за изградба на крипто-рудници гладни за електрична енергија, така што арктичкиот воздух на Исланд и изобилната топлинска енергија ја прават земјата идеален избор. Кина, исто така, може да најде нови намени за многу хидроелектрични централи кои привлекоа рударски платформи, но го загубија бизнисот по притисокот на Пекинг за дигитална валута. Странските провајдери на вештачка интелигенција, се разбира, нема да можат да се вклучат, но кинеските технолошки гиганти се свесни дека овој ресурс им е при рака бидејќи нивните потреби за електрична енергија се зголемуваат.

Постои уште една предност за замена на Биткоин со вештачка интелигенција на овие фарми на сервери. Иако криптовалутата привлече бројни шпекуланти и милијарди долари инвестиции, таа сè уште не успеа да додаде голема вредност на светот. Генеративната вештачка интелигенција го нема тој проблем, само прашајте го ЧетГПТ.

 

 

Во моментов нема коментари за веста. Биди прв да коментира...

Остави коментар