Ало, доктор ГПТ? Големи облози дека ВИ ќе го трансформира здравството

Врвни инвестициски компании се обложуваат дека брзиот напредок во вештачката интелигенција и фасцинацијата на јавноста со ЧетГПТ (ChatGPT) ќе им помогнат на технолошките стартапи да ја трансформираат здравствената заштита откако изминаа  години во кои Силиконската долина се мачеше како да го придвижи овој сектор.

„Андресен Хоровиц“ инвестираше во повеќе стартапи кои сакаат да профитираат од бумот на вештачката интелигенција за да ја подобрат медицинската нега. Станува збор за компании кои градат алатки базирани на вештачка интелигенција кои би ја подобриле грижата за пациентите, би го намалиле товарот на клиничкото земање белешки и кои би откриле нови лекови побрзо од традиционалните методи. Минатата недела, фирмата учествуваше во процесот на собирање капитал од 200 милиони долари за компанијата „Џенезис Терапевтика“ (Genesis Therapeutics) која користи вештачка интелигенција за откривање лекови. „Џенерал Каталист“ (General Catalyst), „Менло Венчрс“ (Menlo Ventures), „Лукс Капитал“ (Lux Capital) и други исто така инвестираат во стартапи за здравствена заштита кои користат вештачка интелигенција.

Овие инвестиции го отсликуваат ентузијазмот меѓу поголемите технолошки компании како „Мајкрософт“ (Microsoft Corp.), „Амазон“(Amazon.com Inc.) и „Гугл“ на „Алфабет“ (Alphabet Inc.), кои агресивно се движат кон проширување на нивните отпечатоци во профитабилната здравствена индустрија. Во јули, „Амазон“ го претстави „Хелтскрајб“ (HealthScribe), генеративна алатка за вештачка интелигенција која може да им помогне на давателите на здравствени услуги да ги сумираат лекарските посети. „Гугл“, пак,   тестира медицински четбот за болниците.

Но, здравствената заштита, која е строго регулирана и сè уште во голема мера се потпира на факс-машините, се покажа како уникатно тешка за влез на технолошките компании. „Интернешнл Бизнис Машинс“ (International Business Machines Corp.) продаде некои средства на „Вотсон Хелт“ (Watson Health) минатата година, што претставува чекор назад на патот да почне да користи вештачка интелигенција за да им помогне на давателите на здравствени услуги да ги анализираат податоците и да го револуционизира третманот на ракот. „Амазон“, во меѓувреме, се откажа од обидот од да ја наруши индустријата со „ЏП Морган Чејс“ (JPMorgan Chase & Co) и „Беркшир Хетвеј“ (Berkshire Hathaway Inc). Покрај тоа, познато е дека големите јазични модели кои ги поткрепуваат генеративните алатки за вештачка интелигенција како ЧетГПТ  може да погрешат во деталите, што би било особено проблематично кога станува збор за сложени и ризични ситуации какви што има во здравствената заштита.

Виџеј Панде, генерален партнер во „Андресен Хоровиц“ знае дека „циклусот на вештачка интелигенција ја погоди здравствената заштита и порано“, како што рече во блог пост минатиот месец. Но, Панде, кој речиси една деценија во фирмата гласно зборува за потенцијалното влијание на вештачката интелигенција врз здравствената заштита, вели дека сега е поинаку бидејќи технологијата е значително подобрена. Тој, исто така, забележува дека, како и еволуцијата на интернетот, за вистинската промена е потребно време.

„Потребни беа 20 години за интернетот навистина да трансформира сè“, рече Панде за „Блумберг“ (Bloomberg). Тој ја споредува моменталната состојба на вештачката интелигенција во здравството со онаа каде што беше интернетот во 2005 година. Интернетот почна да навлегува во секојдневниот живот, но „не правевме сè во нашите животи на интернет како денес“.

Додека вкупните инвестиции во стартапи со вештачка интелигенција експлодираа оваа година, сликата за стартапите за здравствена заштита со вештачка интелигенција е покомплицирана. Во оваа категоријата се инвестирани 7,4 милијарди долари во  минатата година, според податоците на истражувачката компанија „Пичбук“ (PitchBook), што е под 10,5 милијарди долари собрани во 2021 година.

„ВИ секако беше главна реклама на сите јазици“, особено во индустријата за здравствена заштита, рече Дина Шакир, генерален партнер во „Лукс Капитал“. „Се чини дека постои консензус дека е премногу рано да се знае какво ќе биде вистинското влијание“.

Еве некои од областите за здравствена заштита каде технолошките инвеститори се надеваат на најголем импулс.

Откривање лекови

Големите фармацевтски компании, заедно со мноштвото нови учесници, се обложуваат дека вештачката интелигенција ќе го забрза процесот на откривање нови лекови и терапии со пробивање и анализа на огромни збирки податоци. Овие напори претходат на подемот на ЧетГПТ и имаа мешан успех, но зголеменото внимание на вештачката интелигенција и напредокот во технологијата може да помогне да се зголеми моментумот.

„Ризо Терапевтика“ (Rezo Therapeutics), стартап за откривање лекови, собра 78 милиони долари од инвеститори, вклучително и од „Андресен Хоровиц“ минатата есен и првично се фокусира на третмани за рак. Главниот извршен директор Неван Кроган, кој е и директор на Институтот за квантитативни бионауки на Универзитетот во Калифорнија, Сан Франциско, рече дека компанијата има за цел да ги преведе истражувањата од околу 35 лаборатории. „Една од работите што се обидуваме да ги направиме е да ги замаглиме границите меѓу академијата и биотехнологијата“, рече тој.

Кроган рече дека се подготвува да собере поголеми финансии оваа година за неговата компанија, со оглед на „огромниот апетит“ од инвеститорите за „Ризо“ и за сите работи поврзани со вештачка интелигенција. „Постои загревање во последните неколку месеци со добра причина“.

Другите стартапи засега го надминуваат финансирањето на вештачката интелигенција. „Инситро“ (Insitro) собра околу 700 милиони долари пред подемот на ЧетГПТ и користи вештачка интелигенција за да развие терапевтски средства за заболување на замастен црн дроб и комплекс на туберозна склероза, ретка болест која предизвикува невролошки проблеми кај децата.

Дафне Колер, извршен директор на компанијата рече дека не планираат да соберат повеќе средства во блиска иднина, бидејќи минатата година ја заврши со повеќе од 500 милиони долари во банката. Таа не е загрижена за обидот да профитира од циклусот на вештачка интелигенција. „Се обидувам да размислувам за суштината“, рече Колер, која работи во индустријата за машинско учење од 1990-тите. „Не сакам да мислам на ФОМО“, додаде таа, мислејќи на стравот од пропуштање.

Документација

Генеративната вештачка интелигенција, која може да произведе писмена работа и слики како одговор на барањата на корисниците, веќе е користена од работниците за да помогне во испраќањето е-пошта, да се сумираат долги текстови и да се насочат другите рутински административни задачи. Сега некои технолошки компании се обидуваат да го применат ова во здравствената заштита.

„Амбиенсе Хелткер“ (Ambience Healthcare), на пример, прави „писар“ со вештачка интелигенција за да ги претвори разговорите лекар-пациент во белешки за кои компанијата тврди дека им заштедува на лекарите околу 16 часа неделно што инаку би ги потрошиле за пишување информации и упатувања. Компанијата собра 30 милиони долари од инвеститори, вклучително и од „Андресен Хоровиц“ и од „Опен Еј-АЈ“ креаторот на ЧетГПТ.

Растечката листа на други стартапи и поголеми технолошки компании нудат слични услуги за клинички белешки, вклучувајќи ги „Мајкрософт“, „Амазон“ и „Доксимити“  . Сепак, постојат граници. Наводно, беше откриено дека некои услуги напојувани со вештачка интелигенција прават грешки во процесот, што бара човечка интервенција.

Дијагнози

САД имаат недостиг на лекари, но не очекувајте вештачката интелигенција сè уште да ги замени лекарите. Постои загриженост дека преголемото потпирање на вештачката интелигенција може да им наштети на пациентите со пропуштање или погрешно дијагностицирање на проблеми.

„Хипократик ВИ“ објави дека добила 50 милиони долари од Андресен Хоровоци „Андресен Хоровиц“ и од „Џенерал Каталист“ во мај за да се изградат големи јазични модели - технологија што ги поткрепува чет-ботовите со вештачка интелигенција - специфични за здравствената индустрија. Компанијата вели дека се фокусира на задачи како што се објаснување инструкции пред операцијата на пациентите, но се држи настрана од медицински дијагнози, барем засега.

„Ние всушност не мислиме дека генеративната вештачка интелигенција е подготвена да прави дијагнози - мислиме дека дијагнозите треба да се појават многу подоцна, кога овие модели ќе бидат безбедни“, изјави извршниот директор Мунџал Шах претходно за „Блумберг“. „Имате многу други улоги кои се споредни улоги и актери во здравствениот систем кои навистина би можеле да имаат корист од генеративната вештачка интелигенција“.

Во моментов нема коментари за веста. Биди прв да коментира...

Остави коментар