Пазарите во САД не се изненадени од големите покачувања на каматните стапки од страна на Федералните резерви (ФЕД) колку што се изненадени од фактот дека инфлацијата останува висока и покрај повисоките трошоци за задолжување, вели Станко Мициќ, потпретседател во JP Morgan.
„Мислам дека тоа ќе продолжи сè додека инфлацијата не биде ставена под контрола по цена на американската економија да влезе во рецесија“, рече Мициќ во гостувањето во емисијата „Седум“ на „Блумберг Адрија“.
Евентуалниот нов откуп на државни записи во САД е само мерка за обезбедување ликвидност на пазарот на должнички хартии од вредност, од кој инвеститорите почнаа да излегуваат поради нестабилноста на политиката на централната банка, смета Мициќ.
„Тоа одврати некои инвеститори, особено во долгорочните државни обврзници, и со тоа ја намали ликвидноста на тој пазар“, додава тој.
Слична непредвидливост ја карактеризира и Банката на Англија (BOE), каде што пазарот на обврзници е хаотичен, посочи нашиот соговорник.
„Повеќето банки сега очекуваат дека обврзниците во Обединетото Кралство ќе изгубат дел од нивната вредност, а рецесија сигурно можеме да очекуваме во 2023 година“, нагласува Мициќ.
.webp){kind=icon}
