.webp){kind=icon}
Заборавете на Дедо Мраз, бидејќи ниту тој нема да може да ги спаси европските акции од пад, сметаат стратезите на „Голдман Сакс“ (Goldman Sachs Group Inc.) и „Банка на Америка“ (Bank of America Corp).
Економистите ги намалија прогнозите во текот на изминатиот месец, а просечната прогноза во истражувањето на Bloomberg е 406 поени, што би значело дека вредноста на индексот Stoxx Europe 600 ќе падне за 17 отсто. Ова е најлошата година за индексот од финансиската криза во 2008 година.
Таков пад би значел дека индексот ќе ја заврши годината на околу два отсто повисоко во однос на четвртокот, а резултатите од истражувањето покажуваат дека индексот Euro Stoxx 50 во истиот период ќе загуби околу 1,1 отсто. Компании како Goldman и Bank of America (BofA) ги намалија прогнозите во последните недели. Промената на ставот е под влијание на движењата на пазарот на обврзници, како и политичките тензии во Британија.
Прочитај повеќе
'Сити': Цената на акциите најчувствителна на рецесија
Можни се дополнителни загуби на тој пазар, сметаат стратезите за квантитативна анализа на компанијата „Ситигруп“.
19.10.2022
Пазарот на обврзници не гледа крај на лошите турбуленции
Пазарот е потресен од најдолгиот период на нестабилност од почетокот на финансиската криза во 2007
23.10.2022
Индексот Stoxx 600 минатиот месец влезе во мечкин пазар, главно поради инфлацијата и заострувањето на монетарната политика на централните банки.
„За пазарите конечно да отскокнат од дното, ќе бидат потребни поповолни движења во економскиот раст, инфлацијата и монетарната политика или капитулација од страна на инвеститорите“, велат стратезите на Goldman, вклучително и Сесилија Мариоти. Прогнозата на Мариоти и нејзините колеги е најпесимистичка меѓу економистите анкетирани од Bloomberg и според неа, индексот до крајот на годината би требало да изгуби речиси 10 отсто од вредноста.
Во март, стратезите очекуваа дека индексот Stoxx 600 ќе биде на нивото на кое беше на крајот на 2021. Спротивно на очекувањата, индексот досега изгуби околу 20 отсто од својата вредност, поттикнат од инфлацијата, одлуките на централните банки, војната во Украина и енергетската криза.
Стефан Еколо од TFS Derivatives, чие предвидување за март се покажа како најточно, не мисли дека ќе дојде до закрепнување во блиска иднина.
„Ситуацијата на европските пазари ќе биде лоша и на крајот на оваа и во текот на следната година“, вели Еколо. „Макроекономските предизвици нема да исчезнат наскоро, а геополитичките тензии се зголемуваат. Бидејќи стапката на инфлација останува висока, очекуваме побарувачката значително да се намали и тоа ќе се одрази во серија финансиски извештаи кои ќе бидат објавени наскоро“, нагласува тој.
Минатиот месец европските акции паднаа на најниско ниво од 2020 година, по скромните добивки кои веќе се во застој. Многу учесници на пазарот наведуваат дека техничките позиции се донекаде поволни, но пазарните основи остануваат слаби.
Дури и добриот почеток на сезоната на корпоративни финансиски извештаи не влеа доволно оптимизам за да го подигне целокупниот пазар. Стратезите на BofA предупредуваат дека профитот може да биде помал од тековните очекувања.
„Дури и по овогодинешната распродажба, акциите ќе изгубат поголема вредност во месеците што следат“, смета Мила Савова од BofA. Нејзиното предвидување е нешто пооптимистичко од она на Еколо и според него, индексот Stoxx 600 ќе ја заврши годината на 380 поени.
Савова очекува заработката да падне за околу 20 проценти во текот на следната година, што ќе биде под влијание на помалите маржи и скромниот економски раст.
„Отпорноста на европските пазари што во моментот ја гледаме не може да трае“, додава таа.
