Инвеститорите кои се надеваат дека вредноста на акциите значително ќе се зголеми до крајот на годината ќе бидат разочарани, вели Мајкл Вилсон од Морган Стенли.
„Шансите за голем раст во четвртиот квартал прилично се намалија“, рече Вилсон, кој повторно беше прогласен за врвен стратег за портфолио во најновото истражување на институционални инвеститори. „Намалениот број акции што ги поттикнуваат индексите, скромните ефекти на водечките фактори, зголемениот број на намалувања на проекциите за заработка и падот на довербата на потрошувачите и бизнисот кажуваат поинаква приказна од консензусот на аналитичарите, кои очекуваат раст до крајот на годината“, додаде тој.
Песимистичкиот став на Вилсон се покажа како точен во последните три месеци, а инвеститорите најмногу ги загрижуваат најавите дека каматните стапки на централната банка ќе останат високи подолго време. S&P 500 влезе во техничка корекција во петокот поради зголемената нестабилност и повисоките стапки на инфлација. На крајот, индексот вредеше 10 отсто помалку од неодамнешниот врв постигнат ова лето.
Bloomberg Mercury
Очите на инвеститорите сега се насочени кон кварталните финансиски извештаи на компаниите за да проценат колку компаниите остануваат профитабилни и колку добро можат да издржат шокови како повисоки каматни стапки.
Проекциите за профитот се „премногу високи за четвртиот квартал и за 2024 година, дури и ако економијата оди добро“, рече Вилсон. Малку е веројатно дека монетарните и фискалните политики ќе донесат олеснување на пазарите, а тие би можеле дури и дополнително да се заострат. Исто така, недоволната широчина - односно бројот на акции кои учествуваат во растот на индексот - покажува дека финансиските извештаи на повеќето компании нема да донесат причина за славење.
Стратегот исто така рече дека учесниците на берзата забележуваат дека влијанието на затегнувањето на Федералните резерви само што почнува да се чувствува во економијата. Акциите кои се чувствителни на промени на каматните стапки имаат послаби остварувања во последните неколку месеци, додека одбранбените сектори имаат подобри перформанси.
„Ваквите околности покажуваат дека пазарот е повеќе загрижен за растот отколку за повисоките каматни стапки и вреднувања“, заклучува тој.
.webp){kind=icon}
