Американските акции се зрели за распродажба по предвременото одредување на цените во време на пауза, кога станува збор за зголемувањата на каматните стапки од страна на Федералните резерви (ФЕД), сметаат стратезите на Морган Стенли (Morgan Stenley).
„Иако неодамнешното поместување на повисоките стапки ја поддржува идејата дека Банката на федерални резерви може да остане рестриктивна подолго отколку што се очекуваше, пазарот на акции одбива да ја прифати оваа реалност“, напиша во белешката тимот предводен од Мајкл Вилсон.
Вилсон, чии ставови во врска со Волстрит се на мечкината страна, правилно ја предвиде минатогодишната распродажба, кога американските акции ги забележаа најлошите резултати од 2008 година. Тој сега очекува влошување на фундаменталните состојби, заедно со зголемувањата на ФЕД. кои доаѓаат во исто време со рецесијата на заработката, да ги доведат акциите на најниско ниво пролетва.
„Цената е еднакво неповрзана со реалноста како што беше за време на овој мечкин пазар“, велат стратезите.
Минатата недела приносите на американските двегодишни обврзници ги надминаа 10-годишните приноси најмногу од почетокот на 1980-тите, што е знак на слабеење на довербата во способноста на економијата да издржи дополнителен раст на каматите. Во меѓувреме, американските акции забележаа еден од најсилните почетоци на годината во историјата, иако растот почна да се заладува, бидејќи очекувањата на претседателот на ФЕД, Џереми Пауел, за понатамошни зголемувања на стапката влијаеја на расположението.
„Податоците за инфлацијата во САД би можеле да бидат катализатор за враќање на инвеститорите во реалноста и повторно усогласување на акциите со обврзниците, доколку цените пораснат повеќе од очекуваното“, рече Вилсон, притоа истакнувајќи дека очекувањата за таков резултат растат. Се предвидува дека податоците што ќе бидат објавени утре ќе покажат дека потрошувачките цени се зголемени за 0,5 отсто во јануари во однос на претходниот месец, поттикнати од повисоките трошоци за бензинот. Тоа би значело најголема добивка во последните три месеци.
Bloomberg Mercury
Вилсон очекува индексот S&P 500 да ја заврши годината на 3.900 индексни поени, односно за околу 4,7 проценти под нивото на кое затвори во петокот. Тој очекува акциите да паднат, бидејќи процените за заработката се намалуваат пред очекуваното закрепнување во втората половина од годината.
„Односот ризик/награда е лош како што беше и кога било за време на овој мечкин пазар. Реалноста за акциите е дека монетарната политика останува на рестриктивна територија во контекст на рецесијата на заработката, која сега сериозно започна“, напиша Вилсон.
Во меѓувреме, стратегот на Бенк оф Америка (Bank of America Corp), Савита Субраманијан, рече дека индексот S&P 500 моментално е во фаза на краток раст и дека би можел да остане во мечкиниот пазар уште некое време.
„Ние би можеле да останеме на овој мечкин пазар уште некое време, бидејќи сме во процес на соодветна технологија. Тоа нема да биде одлично опкружување за S&P 500“, рече таа. Што се однесува до рецесијата, Субраманијан рече дека пазарот треба да го исфрли прирачникот од последните неколку рецесии и да размисли за тоа што всушност се случува во овој момент. На пример, стоките обично доведуваат до пад на кредитниот циклус, но во моментов се чини дека не е така.
Другите стратези се помалку песимисти. Кристијан Милер-Глисман од Голдман Сакс (Goldman Sachs Group Inc) очекува пораст на глобалните акции во следните три месеци, наведувајќи ги како причина помалиот ризик за раст на приносите на обврзниците и поголемата доверба во мекото приземјување на САД. Како што рече, тој останува селективен бидејќи повисоките процени и пооптимистичкото расположение за раст го зголемуваат ризикот од повлекување на капиталот.
„Иако постои ограничен простор за натамошен раст на акциите на Волстрит, и натаму гледаме атрактивен раст на акциите од неамериканско тло“, напиша Милер-Глисман во белешката.
.webp){kind=icon}