Акциите на Волстрит се зголемија доцна во четвртокот, додека акциите во Азија паднаа во петокот, откако индексот MSCI го заврши ноември со третата најголема месечна добивка во последната деценија.
Поттикнати од шпекулациите дека Фед ќе стави крај на својата агресивна кампања за зголемување на каматните стапки, акциите на Њујоршката берза забележаа една од најголемите рекордни ноемвриски добивки. По скокот од три трилиони долари месецов, берзанскиот индекс S&P 500 сега е само пет отсто под својот историски максимум. Американскиот индекс скокна за повеќе од осум проценти во ноември, подвиг постигнат помалку од 10 пати во текот на истиот месец од 1928 година, според податоците собрани од „Блумберг“.
Тоа е и најголемата месечна добивка од јули 2022 година. Кинеските акции се во минус, а референтниот индекс падна на најниското ниво во годината. Паднаа и акциите во Австралија и во Јужна Кореја, додека јапонските индекси пораснаа.
Bloomberg Mercury
Во САД во последниве недели потрошувачката, инфлацијата и пазарот на трудот се смирија, што е дополнителен доказ дека растот постепено забавува. Основниот индекс на потрошувачки цени за лична потрошувачка, претпочитаниот мерач на инфлација на Фед, ги исполни процените на економистите.
„Ова веројатно ќе ги зајакне очекувањата дека пресвртната точка за монетарната политика е близу и дека ФЕД ќе ги намали стапките барем еднаш во првите шест месеци од 2024 година“, рече Сону Варгезе, макроекономски аналитичар во групацијата „Карсон“. Официјалните лица на Фед веќе признаа дека инфлацијата се намалува, а тоа може да се случи во услови на силна економија и ниска невработеност, што во суштина ја поставува основата за намалување на стапките.
Доларот ослабе во однос на другите главни валути како што се намали инфлацијата, поттикнувајќи ги облозите за завршување на циклусот на затегнување на Фед. Вниманието сега се свртува кон забелешките на претседавачот Џером Пауел, кои се очекуваат в петок. Индексот на доларот на „Блумберг“ падна во петокот, откако порасна во претходните два дена.
.webp){kind=icon}
