Глобалниот пазар на обврзници е на пат да ги забележи најдобрите два месеца во историјата, а главната причина е уверувањето на пазарот дека централните банки ќе ги намалат каматните стапки во 2024 година.
Индексот Global Aggregate Total Return на „Блумберг“ порасна за речиси 10 отсто во ноември и декември, што е најдобро остварување од 1990 година, колку што се во тек податоците.
Додека обврзниците имаа малку послаб ден во четвртокот, стравувањата од рецесија продолжуваат да владеат на пазарите. Поради тоа, инвеститорите „трчаат“ во обврзници, обложувајќи се дека централните банки ќе мора да ги намалат стапките за да не го стимулираат економскиот раст.
„Она што сега го гледаме е карневал на обврзници“, рече Хидео Шимомура, менаџер на портфолио во „Фајвстар асет“ (Fivestar Asset Management) од Токио. „Инвеститорите во обврзници досега беа во хибернација, а сега се чувствува нивната силна желба да излезат од нивните зимски скривалишта“, додаде тој.
Bloomberg
Пазарите сега сметаат на намалување на каматните стапки во САД и во Велика Британија за околу 150 базични поени следната година, додека ЕЦБ ќе ги намали каматните стапки за 170 базични поени. Инвеститорите сè повеќе се убедени дека централните банки ја добија битката против инфлацијата откако ги зголемија каматните стапки поагресивно отколку во претходните неколку децении.
Ваквиот развој на настаните придонесе за скок на побарувачката на аукцијата на двегодишни и петгодишни државни обврзници во САД.
Падот на приносите доведе и до пад на доларот, па светските валути зајакнаа, а долговите деноминирани во нив забележаа скок на приносите. Еврото, јенот и фунтата се на највисоко ниво во последните четири месеци, додека швајцарскиот франк е посилен отколку што е во однос на доларот од 2015 година.
Јапонската валута доби дополнителен поттик поради очекувањата дека Банката на Јапонија ќе ги зголеми каматните стапки за првпат од 2007 година, а гувернерот Казуо Уеда дополнително сигнализираше во четвртокот дека тој потег може да дојде веќе напролет.
Приносите на 10-годишните државни записи на САД, кои служат како репер на глобалниот пазар на обврзници, паднаа за околу 120 базични поени од нивниот врв во октомври. За растот на индексот најмногу придонесоа хартиите од вредност засновани на хипотеки (MBS), американските, германските и француските државни обврзници, покажуваат податоците собрани од „Блумберг“.
Силните перформанси на MBS од средината на октомври му пркосат на теоретското учење дека овие хартии од вредност се полоши кога приносите паѓаат. Тие беа потценети откако се прошири распонот меѓу нивните приноси и каматите на државните записи, додаде Шимомура.
Bloomberg
„Многу инвеститори бараа време да купат MBS и побрзаа да ги купат“ токму кога пазарот на обврзници се сврте, рече тој.
Низ целиот свет корпоративните обврзници од инвестициска класа исто так напредуваа, а и тие (со поврат од околу 11 проценти) се движат кон своите најдобри два месеца, според податоците од индексот на „Блумберг“, кој датира од 2001 година. Стеснувањето на разликата помеѓу приносите на државните и корпоративните обврзници им помогна на вторите да забележат маргинално подобар резултат.
„Нахаканизмот на пазарот на обврзници навистина ги зголеми вкупните приноси“, рече Вишну Варатан од „Мизухо банк“ од Сингапур. „Пазарите како да сакаат да ни кажат дека сме на половина пат до полабава монетарна политика“, додаде тој.
.webp){kind=icon}
Во моментов нема коментари за веста. Биди прв да коментира...