Инвеститорите се оптимисти за економскиот развој и расте нивниот апетит за поризични класи на средства, покажуваат податоците од истражувањето спроведено од „Банка на Америка“ (Bank of America Corp / BofA). Инвеститорите продаваат американски технолошки акции и купуваат европски акции, покажува истражувањето.
Евидентирани се најголем пораст на бројот на позиции во европски акции од јуни 2020 година и најголем скок на купување акции од земјите во развој од април 2017 година, пишуваат аналитичарите предводени од Мајкл Хартнет. Инвеститорите повеќе инвестирале во финансискиот сектор, а интересот за тие акции доаѓа на сметка на акциите на технолошките компании од САД, како и компаниите што се занимаваат со производство на несуштински производи.
Bloomberg
Менаџерите на инвестициските фондови се обидуваат да ги диверзифицираат портфолијата бидејќи апетитот за поризични класи на средства достигнува нивоа што не се забележани од ноември 2021 година, а „мекото приземјување“ на Федералните резерви (Фед) останува основно сценарио во проекциите на повеќето учесници на пазарот. Средствата вложени во акции се на највисоко ниво во последните две години, но концентрацијата е особено забележлива во САД. Анкетата покажува дека „најголем метеж“ има токму кај долгите позиции во акциите на т.н. „голема технолошка седумка“.
Инвеститорите што учествувале во истражувањето имаат поделено мислење за прашањето на вештачката интелигенција, па 40 отсто од нив се изјасниле дека сметаат дека акциите на вештачката интелигенција се „во балон“, а 45 отсто од испитаниците сметаат дека тоа не е така.
Резултатите од истражувањето покажуваат и зголемување на оптимизмот за економскиот раст во светот, кој исто така е на двегодишен рекорд. Инвестирањето на пазари надвор од САД е профитабилно во последно време. Европските акции напредуваа во текот на изминатите осум недели, надминувајќи го S&P 500. Индексот MSCI Emerging Markets исто така го надмина највисокиот американски индекс.
Анкетата била спроведена од 8 до 14 март, а во неа учествувале 198 инвеститори што колективно управуваат со средства во вредност од 527 милијарди долари.
.webp){kind=icon}