Продолжува падот на цената на нафтата

Цената на нафтата на светските берзи на почетокот од тргувањето неделава е во пад, бидејќи очекувањата за економски раст се ослабени, а нвеститорите ги разгледуваат можностите за зголемување на понудата од Иран.

Фјучерсите на Брент нафтата изгубија околи 1 процент од вредноста и се тргуваат по цена под 96 долари за барел, откако претходно бележеа раст. Претседателот Џо Бајден разговараше во текот на вчерашниот ден со лидерите на Франција, Германија и Велика Британија во врска со идејата за заживување на нуклеарниот договор со Иран, што би можело да доведе до зголемување на испораката на нафта од страна на производителите од ОПЕК.

Бајден и неговите европски сојузници разговараа и за потребата за зајакнување на поддршката на партнерите од регионот на Блискиот Исток.

Цени

Брент фјучерсите за октомври загубија 1,2 проценти од својата вредност и на берзата во Сингапур се продаваа за 95,57 долари за барел.

WTI фјучерсите со испорака во септември на берзата во Њујорк паднаа за 1,3 отсто, на 89,63 долари за барел.

Разликата меѓу брзите фјучерси на Брент нафтата и договорите за следниот месец падна на дури 0,51 долар по барел, додека пред еден месец изнесуваше 4,82 долари за барел.

Во меѓувреме, кинеската провинција Сечуан и натаму има проблеми со испораката на струја во индустриската зона, што дополнително ги зголемува проблемите на производителите бидејќи фабриките таму се затворени, а тоа го зголемува стравот од натамошни негативни ефекти врз економскиот раст.

Во моментов нема коментари за веста. Биди прв да коментира...

Остави коментар