Американскиот економист Пол Кругман, добитник на Нобеловата награда на полето на економските науки во 2008 година, го истакна песимистичкиот став кон криптовалутите и блокчејн технологијата во напис објавен во „Њујорк Тајмс“.
Тој предупредува на бесконечност на тековната крипто-зима, која влијае на сите криптовалути, вклучувајќи ги и двата гиганта биткоин и етериум. Ја критикува и ја доведува во прашање и вистинската корисност на блокчејн технологијата, наведувајќи дека постојат алтернативи во форма на централизирани системи кои во моментот работат добро.
„Во што е поентата? Зошто да се мачите и да трошите време и енергија за одржување на системи и записници на многу места низ светот, а всушност го носите тој записник со вас секогаш кога ќе се случи трансакција“?
Bloomberg
Времињата се тешки за сите форми на инвестирање, а не се поштедени ниту криптовалутите. Ако земеме поединечни случаи како неодамнешниот неуспех на една од водечките светски криптоберзи FTX, Кругман е убеден дека оваа крипто-зима може да доведе до неуспех на многу проекти. Не само тоа, тој верува дека може да се случи напуштање на блокчејн технологијата и криптовалутите.
„Многу луѓе велат дека минуваме низ крипто-зима, но тој термин ја потценува големината на ситуацијата. Ова е сè повеќе како Фимбулвинтер, бескрајната зима која во нордиската митологија му претходи на крајот на светот, во овој случај на крипто-светот, не само криптовалутите, туку целата идеја за организирање на економскиот живот околу познатиот блокчејн“.
Според Кругман, во последните неколку месеци сме сведоци на одредени економски показатели кои укажуваат дека има напуштање на блокчејн технологијата и вистинска примена на криптовалутите. Економистот ја наведува како пример австралиската берза која требаше да развие платформа преку блокчејн технологија, што ќе овозможи едноставно и ефикасно тргување. Пред две недели го откажаа проектот и отпишаа долг од 168 милиони долари.
Како еден од главните аргументи против оваа технологија, тој го посочува загадувањето на животната средина преку методот на работа proof of work (PoW), кој нанел штета од десетици милијарди долари на животната средина. Според Кругман, нема очигледна корист освен производство на безвредни токени додека се загрозува животната средина.
.webp){kind=icon}
