За колапсот на банките е виновен ФЕД, а не криптосекторот, вели Кети Вуд

Политиката на Федералните резерви (ФЕД), a не криптосекторот, е главниот виновник за банкротот на банките „Силикон валеј“ (СВБ) и „Сигначур“ (Signature), вели шефицата на „АРК инвестментс“ (ARK Investments), Кети Вуд.

„Според моето мислење, политиката на ФЕД беше главниот виновник. Поради сушата на инвестиции во ризични средства и повисоките приноси на фондовите на пазарот на пари, депозитите го напуштија американскиот банкарски систем“, посочи Вуд во серија твитови.

Минатонеделниот колапс на СВБ беше најголемиот на една американска банка во повеќе од една деценија. Американската влада презеде вонредни мерки за зајакнување на довербата во финансискиот систем, воведувајќи нов заштитен механизам за банките, за кој претставниците на ФЕД сметаат дека е доволно силен за да ги заштити депозитите во целата земја.

За потсетување, „Блумберг“ неодамна објави дека АРК собра повеќе од 16 милиони долари од инвеститорите за средства фокусирани на криптовалути. „АРК крипто револушнс Кајман“ (ARK Crypto Revolutions Cayman Fund LLC) собра близу девет милиони долари од еден инвеститор, додека „АРК крипто револушнс УС“ (ARK Crypto Revolutions US Fund LLC), регистриран во Делавер, собра повеќе од седум милиони долари и наведе девет инвеститори, според поднесоците до Комисијата за хартии од вредност на САД.

Во моментов нема коментари за веста. Биди прв да коментира...

Остави коментар