„Бајненс“ (Binance Holdings Ltd), најголемата криптоберза во светот, е тужена од страна на американската Комисија за тргување со фјучерси на стоки (CFTC) за наводно прекршување на правилата за тргување и деривати. Во тужбата е именуван и Чангпенг Жао, главен извршен директор на компанијата.
CFTC ја поднесе тужбата до федералниот суд во Чикаго во понеделникот.
Регулаторот во неа наведува дека фирмата „Бајненс“ ги избегнала своите обврски со тоа што не се регистрирала правилно кај нив.
Најмалку од 2021 година, CFTC ја истражува „Бајненс“ за да увиди дали успеала да ги спречи жителите на САД да купуваат и продаваат криптодеривати. Правилата на CFTC генерално бараат платформите да се регистрираат во агенцијата доколку им дозволат на Американците да тргуваат со тие производи.
Регулаторот е едно од неколкуте американски тела што ги истражуваат активностите на криптоберзата. Службата за внатрешни приходи, како и федералните обвинители, ја истражува усогласеноста на „Бајненс“ со правилата за спречување на перењето пари, пишува „Блумберг њуз“. Комисијата за хартии од вредност проверува дали берзата го поддржала тргувањето со нерегистрирани хартии од вредност.
.webp){kind=icon}
