Националната австралиска банка Лтд. (НАБ) блокираше некои плаќања за „високоризични“ крипто-размени, придружувајќи им се на другите големи кредитори во земјата во ограничувањето на пристапот до платформите со дигитални средства поради загриженоста за ризиците од измами.
„Овие измамници се дел од организирани, транснационални криминални групи“, рече во изјавата Крис Шихан, извршен директор за групни истраги и измами во НАБ. „Сè почесто гледаме дека ги користат платформите за криптовалути за брзо и често испраќање украдени средства во странство“.
„Вестпак банкинг корп“ (Westpac Banking Corp.), „Комонвелт банк оф Аустралија“ (Commonwealth Bank of Australia) и „Аустралија и Њу Зеланд банкинг груп“ (Australia & New Zealand Banking Group Ltd.), исто така, презедоа слични чекори во изминатите неколку недели. НАБ ги означи крипто измамите како брзорастечка безбедносна закана што ги чинеше Австралијците 221 милион австралиски долари (151 милион долари) само минатата година.
Речиси 50 отсто од парите кои се дел од измами, а кои биле пријавени на Австралиската берза за финансиски криминал биле поврзани со крипто во последниот период од 30 дена, соопшти НАБ. Банката не одговори веднаш на маилот во кој се бара одговор за специфичните размени на дигитални средства кои се засегнати од одлуката.
„Вестпак“ на 18 мај беше првата од четирите големи австралиски банки кои воведоа нови мерки за заштита на клиентите од крипто измами.
Истиот ден, „Бајнанс Аустралиа“ (Binance Australia) соопшти дека повеќе не може да нуди услуги за депозити во австралиски долари поради одлука на давателот на решенија за плаќање „Кускал“ (Cuscal). Од „Кускал“ соопштија дека во тоа време нивен примарен фокус е на „заштита на Австралијците од финансиски криминал и измами“.
.webp){kind=icon}