Компанијата „Тесла“ (Tesla Inc.), продаде значителен дел од својот удел во биткоини, инвестиција која помогна да се легитимира најголемата електронска валута во светот.
„Од крајот на вториот квартал, ние конвертиравме приближно 75 отсто од нашите биткоин средства во директни пари“, соопшти Tesla во писмо до акционерите во средата, како дел од извештајот за заработка на компанијата. „Конверзиите во вториот квартал додадоа 936 милиони долари во готовина во нашата билансна состојба“, се наведува во соопштението.
Производителот на електрични автомобили во февруари 2021 година откри дека инвестирал 1,5 милијарди долари во биткоин, а потоа продаде 10 отсто од својот удел во април. Тесла во средата соопшти дека нејзините дигитални средства се намалиле на 218 милиони долари и дека падот на биткоинот ѝ наштетил на профитабилноста во вториот квартал.
Главниот извршен директор на Tesla, Илон Маск, на конференцискиот повик за заработка рече дека компанијата продала биткоини за да ја максимизира својата готовинска позиција поради неизвесноста поврзана со ковид ограничувањата. Тој истакна дека на продажбата не треба да се гледа како на некоја пресуда против биткоинот.
Bloomberg
Криптовалутата се повлече од рекордно високото ниво од речиси 69.000 долари во ноември. Најголемата криптовалута по пазарна вредност ги збриша добивките по обелоденувањето на продажбата, паѓајќи 1,6 отсто, до 22.928 долари.
Маск стана огромен влијателен фактор во сферата на криптовалутите. Тој твиташе позитивно за доџкоин како алтернатива и објави фотографии од неговото куче Флоки, кое, како и маскотата на доџкоин, е од расата шиба ину. Кога Tesla одржа голема забава за својата нова фабрика во Остин во април, на шоуто со дронови беше прикажана слика oд логото на доџкоин.
Наклонетоста на Маск кон биткоинот послужи како катализатор за дигиталната валута откако Tesla накратко го прифати токенот за купување, но подоцна ја суспендираше опцијата за плаќање како причина наведувајќи ги еколошките грижи поради енергијата која се троши при „копањето“ на криптовалутата. Натамошното повлекување означува соколски потег од еден од најистакнатите бикови во крипто-секторот за време на она што беше наречено „крипто зима“.
Bloomberg
Сепак, Маск се декларира себеси како про-крипто, навестувајќи во последниве недели дека неговата друга компанија, „Спејсекс“ (SpaceX), може да се придружи на Tesla во прифаќањето на доџкоин за купување стока во иднина.
Џош Олшевич, шеф на истражување во крипто фондот „Валкири инвестментс“ (Valkyrie Investments), рече дека грубите проценки ја стават продажбата на биткоините на Tesla на ценовно ниво од околу 30.000 долари, со 218 милиони долари преостанати дигитални средства на нејзиниот биланс.
„Силно намалените пазарни услови од почетокот на годината, како и потребата за готовина на биланснат состојба веројатно придонеле за оваа одлука. Од перспектива на управувањето со трезорот, нестабилноста може да биде премногу непривлечна за да се игнорира во блиска иднина“, рече Олшевич.
.webp){kind=icon}
