Чекајќи го прокрипто претседателот Трамп, биткоинот постигна нов рекорд

Биткоинот утрово достигна историски највисока вредност од 109.241 долар додека САД се подготвуваат да го инаугурираат новоизбраниот прокрипто претседател Доналд Трамп.

Оригиналната криптовалута утрово се зголеми дури за 5,5 проценти, со што постави нов рекорд. Растот на вредноста на токенот дојде откако Трамп и неговата сопруга Меланија ги претставија мемекоините во текот на викендот, при што Трамп брзо достигна пазарна капитализација од повеќе од 15 милијарди долари пред нагло да падне.

Тие мемекоини накратко го потресоа пазарот на дигитални средства, намалувајќи ги приливите кај биткоинот и помалите токени, истовремено привлекувајќи критики од експертите во индустријата.

Биткоинот, второрангираниот токен етер и ХРП утрово рапидно пораснаа во Лондон, додека трговците ги одбројуваат часовите до моментот кога Трамп повторно ќе ја преземе контролата врз Белата куќа. „Блумберг њуз“ (Bloomberg News) претходно објави дека тој размислува за извршна наредба со која дигиталните средства ќе ги означи како „национален приоритет“.

„Мемекоините што ги лансираа Трамп и неговиот тим дополнително го забрзаа растот на биткоинот бидејќи трговците бараат републиканецот да даде приоритет и да ја потврди својата посветеност на криптоиндустријата“, рече Бен Ел-Баз, извршен директор на „Хашки глобал“ (HashKey Global).

Во моментов нема коментари за веста. Биди прв да коментира...

Остави коментар