Британците забележуваат дека нивните плати и натаму сериозно заостануваат зад инфлацијата и покрај благиот раст на примањата.
Државната статистика пресмета дека редовните плати, исклучувајќи ги бонусите паднале за 3,7 отсто во текот на три месеци, до мај, во однос на индексот на потрошувачките цени, што е најголем пад во последните 20 години.
Овие примања во истиот период, ако не се земе предвид инфлацијата, пораснале за незначителни 4,3 отсто.
До ова дојде откако инфлацијата стигна до 40 – годишниот рекорд од 9,1 отсто во мај, а се очекува дека ќе изнесува 11 отсто подоцна годинава.
Притисокот врз платите се појави откако официјалните податоци покажаа дека бројот на работниците на платните списоци пораснал за 31.000 меѓу мај и јуни и сега изнесува 29,6 милиони. Раководителот на статистичкиот оддел за пазарот на работна сила и домаќинста, Дејвид Фримен, изјави:
„Денешните бројки продолжуваат да укажуваат на мешовита слика на пазарот на труд. Бројот на вработени останува под нивото од пред пандемијата, додека бројот на луѓе кои ниту работат, ниту бараат работа – паѓа, и натаму е на нивото од пред Ковид кризата. Со оглед на тоа дека побарувачката на работна сила и натаму е висока, невработеноста уште еднаш падна, вработеноста порасна и дојде до уште еден рекордно низок број отпуштања. По растот на инфлацијата, платите очигледно паѓаат во реална смисла, со или без бонуси“.
.webp){kind=icon}
