Платите во Обединетото Кралство во третото тримесечје пораснаа со најбрзо темпо во последната година, зголемувајќи го инфлаторниот притисок, што ја загрижува британската централна банка.
Просечните неделни примања, исклучувајќи ги бонусите, пораснаа за 5,7 проценти во однос на истиот период од претходната година, што е најголем раст од август 2021 година, објави Агенцијата за национална статистика. Тоа е повеќе од очекувањата на економистите, според кои требаше да изнесува 5,5 отсто.
Bloomberg Mercury
Прочитај повеќе
Невработеноста во САД се одржува на историски ниско ниво
Во САД барањата за помош на нови невработени минатата недела се намалиле за 1.000, на 217.000
03.11.2022
Неочекуван раст на слободните работни места во САД, нов притисок врз ФЕД
Бројот на достапни работни места порасна на 10,7 милиони во септември, додека во август беа 10,3 милиони.
01.11.2022
Бројките ги нагласуваат причините за да продолжи зголемувањето на каматите стапки од страна на централната банка. Креаторите на политиките настојуваат да ја спречат спиралата на плати и цени откако потрошувачките цени скокнаа за 10,1 отсто, најмногу во последните четири децении.
Министерот за финансии Џереми Хант ги поздрави тие бројки како силна точка во британската економија, но ја истакна борбата против инфлацијата како сѐ поголем приоритет.
„Невработеноста и натаму се доближува до рекордно ниско ниво, обезбедувајќи сигурност за семејствата и претставувајќи доказ за отпорноста на британската економија дури и пред тешките глобални предизвици. Сметам дека тешко заработените пари на луѓето не вредат колку што би требало“, рече Хант.
Пазарот на работна сила продолжи да се затегнува, иако економијата се движи кон рецесија. Тоа ги принуди компаниите да плаќаат повеќе за да привлечат персонал и да ги пополнат слободните работни места.
Платите во приватниот сектор растат со најбрзо темпо забележано во периодот по пандемијата и се зголемија за 6,6 проценти, а се забележува и најдлабок јаз меѓу платите во јавниот и приватниот сектор.
Невработеноста неочекувано порасна на 3,6 проценти, бидејќи бројот на вработени падна за 52.000 во третото тримесечје.
Бројот на слободни работни места паѓа веќе четврти месец едноподруго, на 1,23 милион, што укажува на тоа дека и натаму има барем по едно слободно место за секој што е регистриран како невработен.
Британската централна банка очекува дека невработеноста ќе се покачи на над шест проценти во следните три години. Меѓутоа, моменталниот одговор од компаниите на кризата може да значи замрзнување на вработувањата, а не активно отпуштање работници.
.webp){kind=icon}
