Јапонскиот јен може да потоне на ниво од 1986 година

Јапонскиот јен би можел да потоне на нивоа што се последен пат забележани во 1986 година, бидејќи се чини дека владините интервенции не ги охрабруваат инвеститорите да се обложуваат на неговото зајакнување.

Можно е јенот да ослаби на 170 јени за долар, што е за околу 10 јени повеќе од сега, соопштиja oд компанијата „Сумитомо Мицу“ (Sumitomo Mitsui DS Asset Management Co.) и „Мизухо банк“ (Mizuho Bank Ltd).

На пазарот има само неколку фактори, вклучувајќи го и купувањето на јенот од страна на јапонската влада, што би можеле да го сменат сегашниот пад, кој изнесува речиси 12 проценти оваа година. Движењата од почетокот на мај ја поддржуваат таа теза, бидејќи јенот се врати таму каде што беше и покрај интервенциите вредни 61,4 милијарда долари.

„Постои шанса релативно наскоро доларот да вреди 170 јени“, вели Ник Твидејл од АТФХ (ATFX Global Markets), кој тргува со јенот веќе 25 години. „Краткорочните интервенции едноставно не функционираат“, додаде тој.

Главна причина за слабеењето на јенот е огромната разлика во каматните стапки во САД и Јапонија. Федералните резерви сè уште не почнале да ги намалуваат каматните стапки, а горната граница на референтниот опсег е 5,5 отсто. Од друга страна, каматните стапки во Јапонија се едвај над нулата.

Слична е ситуацијата и во Европа, каде што јенот се движи кон својот историски минимум во однос на еврото.

Како резултат на тоа, трговците почнаа да го менуваат јенот, кој е трета светска валута според обемот на тргување, за долари и евра, а исто така и за валути на помалку развиени земји.

Иако функционерот задолжен за курсот на јенот Масато Канда во понеделникот изјави дека властите се подготвени да интервенираат во секое време од денот, тоа не одекна на пазарите.

Јенот денеска малку зајакна во однос на доларот (на 159,46) ако го погледнеме 29 април, кога се смета дека Јапонија првпат интервенираше. Втората и последна државна интервенција досега се случи на 1 мај.

Прочитајте повеќе на линкот.

Во моментов нема коментари за веста. Биди прв да коментира...

Остави коментар