Неколку танкери со нафта нагло свртија во Персискиот Залив иако изгледаше дека се обидуваат да транзитираат низ Ормускиот Теснец. Сопствениците на бродови и трговците со нафта остануваат збунети, обидувајќи се да утврдат дали Иран ќе се придржува до своето ветување да го држи теснецот отворен за сите.
Запрените патувања на пет грчки и индиски танкери рано во саботата ја даваат првата слика за тоа како сообраќајот се движи низ енергетската артерија, откако иранскиот министер за надворешни работи во петокот рече дека теснецот е целосно отворен. Полуофицијалната новинска агенција „Фарс“ подоцна објави дека преминот сепак ќе биде затворен ако американската поморска блокада остане во сила.
Грчките и индиските танкери тргнале североисточно кон Ормуз од водите кај Дубаи, натоварени со сурова нафта, пред да почнат да се враќаат назад во сабота наутро. Некои сега мируваат на локации близу местото каде што се свртеле, покрај иранскиот остров Кешм, еден од бродовите не испратил геолокациски сигнал неколку часа.
Прочитај повеќе
Трамп најавува крај на војната со Иран, го префрла фокусот на економијата
Претседателот Доналд Трамп сигнализира дека е подготвен да ја заврши американската војна со Иран, иако деталите за договорот остануваат нејасни, а пречките за траен мир се големи.
пред 3 часа
Пад на цената на алуминиумот откако Иран соопшти дека Ормускиот теснец е отворен
Тримесечните фјучерси за алуминиум на Лондонската берза за метали паднаа за дури 5,7 проценти .
пред 15 часа
Европските лидери нудат воена помош за обезбедување на Ормускиот Теснец
Макрон повика на „неутрална мисија, јасно одвоена од завојуваните страни, за придружба и заштита на трговските бродови што транзитираат низ Заливот“
пред 17 часа
Трамп вели дека Иран ќе ја суспендира нуклеарната програма
Разговорите за траен договор „веројатно“ ќе се одржат овој викенд, рече претседателот.
пред 18 часа
Пад на цените на нафтата и гасот откако Иран објави дека е отворен Ормускиот Теснец
Фјучерсите за Брент се повлекоа близу 88 долари за барел во Лондон.
пред 18 часа
Трамп вели дека Иран ги отстранува морските мини од Ормускиот Теснец
Иран претходно во петокот соопшти дека ќе го отвори теснецот за време на 10-дневниот прекин на огнот меѓу Израел и Хезболах.
пред 18 часа
Иран го отвори Ормускиот теснец
Ормуски теснец повторно е прооден за комерцијален сообраќај, објави Иран, во насока за смирување на кризата на Блискиот Исток.
пред 20 часа
Bloomberg Mercury
Шесте бродови беа дел од група забележана доцна во петокот по најавите за пристап кон Ормуз. Тие беа дел од флота танкери заглавени во Персискиот Залив како резултат на конфликтот на Блискиот Исток. Заедно, тие носат околу 8,3 милиони барели не-иранска сурова нафта и нивниот успешен транзит би значел најголем проток на сурова нафта од заливот во еден ден откако започна војната.
„Блумберг њуз“ не можеше веднаш да потврди дали наглото свртување на танкерите било резултат на одлука да се прекине транзитот или имало некаква форма на контрола на сообраќајот, бидејќи повеќе бродови се насочуваат кон теснецот. Наскоро по свртувањето на танкерите, три брода со течен нафтен гас и еден танкер со нафтени производи беа видени како одат на исток и сега влегуваат во Оманскиот Залив.
Сопственици на бродови во заливот пријавиле дека слушнале предупредувања емитувани преку радио доцна во петокот дека сепак ќе им биде потребна дозвола од иранската морнарица, според лица запознаени со ситуацијата.
Еве ги движењата на шесте танкери (локациските сигнали може да бидат нарушени од силни електронски пречки во регионот, а некои бродови можат да ги исклучат сигналите за следење за да избегнат откривање):
- „Нисос Керос“ (Nissos Keros) – супертанкер со околу 1,8 милиони барели сурова нафта од ОАЕ, сега мирува близу островот Кешм.
- „Минерва Европи“ (Minerva Evropi) – грчки танкер натоварен со над 1 милион барели ирачка сурова нафта, управуван од „Минерва марин“ (Minerva Marine Inc).
- „Санмар Хералд“ (Sanmar Herald) – индиски танкер, се свртел кај островот Ларак и се враќа во Персискиот Залив.
- „Деш Гарима“ (Desh Garima) – индиски Афрамакс, пловел заедно со „Санмар“, но оттогаш е „во мрак“, без сигнал.
- „Деш Ваибхав“ (Desh Vaibhav )– индиски танкер, запрен близу „Нисос Керос“
- „Деш Вбхор“ (Desh Vibhor) – индиски танкер, нагло свртил близу „Нисос Керос“.
.webp){kind=icon}
