По дводневниот раст цената на нафтата на светските пазари денеска, во пресрет на состанокот на претставниците на Организацијата на земји извознички на нафта и низните сојузници (ОПЕК+), е во благ пад. На растот на цената на нафтата претходните денови влијаеја најавите дека ОПЕК+ во текот на денешниот состанок во Виена може да го договори најголемото кратење на производството од 2020 година, со цел да се влијае на зголемување на цената на нафтата.
Движење на цената на нафтата /Bloomberg Chartmaker
„West Texas Intermediate (WTI)“ падна на околу 86 долари за барел по скокот од скоро 9 отсто во претходните два дена. Поточно, договорите за испорака во ноември загубија 0,5 отсто од вредноста и сега се тргуваат по цена од 86,09 долари за барел.
Нафтата „Brent“ за декемвриското порамнување загуби 0,4 отсто од вредноста и сега се тргува за 91,41 долари за барел.
ОПЕК+ ќе разговара за намалување на производството за дури два милиони барели на дневно ниво, рекоа делегатите во пресрет на состанокот на групата во Виена. Тоа е двојно повеќе отколку што се најавуваше претходно.
Намалувањето од толкав обем е одраз на загриженоста на алијансата во врска со изгледите за побарувачката за нафта во услови на брзо заострување на монетарната политика. Американските референтни вредности за нафтата неодамна доживеаја прва квартална загуба во последните две години, по добивките остварени во првите месеци од почетокот на војната во Украина.
„Нмалувањето од два милиони барели дневно би покажало колку ОПЕК+ се агресивни во поглед на подигнување на цената на нафтата“, рече Вишу Варатан, раководител за економија и стратегија за Азија во „Mizuho Bank“ во Сингапур.
Делегатите велат дека претставниците на ОПЕК+ може да разговараат и за помало намалување на дневното производство, односно за кратење на испораката од 1,5 милиони барели. Дури и таа количина на намалување веројатно ќе предизвика критики во САД и другите големи корисници на нафта, кои се борат со инфлацијата предизвикана од зголемените цени на енергенсите.
.webp){kind=icon}
