Нафтата падна по дводневниот раст бидејќи посилниот долар го намали оптимизмот од изгледите за подобрување на кинеската побарувачка.
Фјучерсите на West Texas Intermediate (WTI) паднаа до 88 долари за барел бидејќи доларот порасна за првпат во три сесии, што ги направи поскапи стоките чија цена е изразена во таа валута. Тоа ги засени очекувањата за закрепнување на кинеската побарувачка откако земјата издаде пакет помош за својот проблематичен пазар на недвижности и олесни некои од строгите ограничувања во рамки на стратегијата „нулта ковид“.
Расте загриженоста од забавување / Bloomberg
Зголемувањето на кинеската потрошувачка на сурова нафта може дополнително да го затегне пазарот, кој ќе се соочи со санкции од Европската унија за протокот на руска нафта следниот месец и откако ОПЕК+ започна циклус на намалувања на снабдувањето. Фјучерсите закрепнаа овој квартал по континуираниот пад поради загриженоста од забавување.
Прочитајте повеќе: Азиските берзи закрепнуваат, исто и доларот
Промените во кинеските правила за „нулта ковид“ се однесуваат на тоа дека градовите ги намалија масовните тестирања и ги пуштија луѓето од камповите за карантин, во согласност со новите упатства објавени минатата недела, а со мали чекори ќе се вршат и понатамошни промени, посочија властите во саботата. Сепак, бројот на случаи на вирусот продолжува да расте.
Цени
- WTI за испорака во декември падна на 88,37 долари за барел во 14:08 часот во Сингапур.
- Брент за јануарско порамнување падна на 95,44 долари за барел.
Американската министерка за финансии Џенет Јелен во саботата изјави дека е „многу веројатно“ санкциите на ЕУ да ја принудат Русија да понуди дел од својата сурова нафта по цена што ја поставија САД и нивните сојузници, доколку Москва сака да спречи затворање на некои текови за снабдување. На 5. декември Европа ќе воведе забрана за увоз на нафта од море.
.webp){kind=icon}
