text size
Министерството за економија утврдило дека се доставуваат лажни фактури во делот на увозот на пелети. Затоа, како што соопшти денеска министерот Крешник Бектеши, трговците на мало и на големо со пелети се жалат на цената што е замрзната.
Според Бектеши, цената на пелетите не ја утврдува Министерството за економија, а лажните фактури се кривично дело, за кое треба да следуваат санкции и надлежните институции мора да постапат соодветно.
„Цената на пелетите не ја утврдува Министерството за економија, тоа доаѓа како предлог од ’Македонски шуми’ и од страна на цените од Царинската управа. Цената пријавена во Царинската управа е 24 денари за килограм. Ако тие доставиле лажни фактури и направиле договори со производителите во странство, ги повикувам УЈП и Секторот за надзор во Царинската управа веднаш да постапат и да ги контролираат и да бидат санкционирани. Ако кај нас се доставуваат 24 денари, а тие не можат да продаваат со 27 денари, тогаш тие фактури што се пријавуваат во Царинската управа, јас како министер одговорно кажувам дека се лажни и тоа е кривично дело, по кое треба да постапуваат надлежните органи“, истакна Бектеши по средбата со производителите и со претставниците на најголемите синџири на маркети, пренесува МИА.
Прочитај повеќе
Од декември ќе нема пелети ако остане ограничувањето од 27 денари
Трговците тврдат дека во моментов набавните цени на пелетите се најмалку исти или повисоки од продажните.
10.11.2022
Владата определи максимални цени за огревно дрво и пелети
Кубик огревно дрво даб ќе чини 4.500 денари, кубик бука 6.429 денари кубик, а пелетите 27 ден/кг
02.11.2022
Криза на пазарот: доаѓа време кога „пелети со пари не се купуваат“
Во моментов пелети се увезуваат од Турција, домашното производство покрива само 20 отсто од потребите
11.10.2022
Инаку, претходно националното здружение на производители и дистрибутери на продукти од биомаса „Биомак енерџи“, во кое членуваат повеќе од 80 проценти од производителите и трговците со пелети во земјава, се пожали дека не е можно да работат со ограничени продажни цени од 27 денари за килограм, затоа што сега веќе набавната цена е најмалку иста или повисока од продажната. За да го поткрепат ваквото тврдење, тие приложија и фактури од направениот увоз во последните месеци.
„Блумберг Адрија“ веќе пишуваше дека трговците со пелети најавија дека ако Владата не го чуе нивниот апел и не ги промени пазарните правила, односно не ја ослободи максималната продажна цена, тие ќе престанат да тргуваат со таа суровина, со што практично пелети ќе нема во продажба од декември.
Наместо замрзната продажна цена, тие бараат да се врати претходната мерка од замрзната маржа. Трговците сметаат дека на тој начин државата лесно може да ја контролира нивната заработка и да не дозволи да се случува кризно профитерство, но, од друга страна, тие ќе имаат пристојни услови за работа.
Цената на пелетите во моментов е за повеќе од двапати поскапа од преткризниот период.
.webp){kind=icon}
