.webp){kind=icon}
Нафтата се упати кон шести последователен неделен раст, откако очекуваниот состанок на ОПЕК+ испорача само скромно зголемување на производството, што не успеа да ја смири загриженоста за зголемениот дефицит на понудата.
Картелот на производители се согласи на зголемување што изнесува само 0,4 отсто од глобалната побарувачка во текот на јули и август. Имаше шпекулации дека Саудијците се подготвуваат да испумпаат значително повеќе нафта како дел од ресетартирањето на односите со САД, а дури имаше и сугестии дека Русија може да биде изземена од месечните договори за снабдување на организацијата.
Bloomberg
ОПЕК+ се согласи на зголемување на производството на 648.000 барели дневно за јули и август, околу 50 отсто повеќе од зголемувањето забележано во последните месеци. Тоа значи дека групата ќе додаде приближно 400.000 барели на ден сурова нафта во текот на овие два месеца, покрај веќе договорените скромни зголемувања.
„Не е доволно“, вели Надија Мартин Виген, главен аналитичар за нафта во Pareto Securities AS во Осло, во интервју за телевизијата „Блумберг“. „Но, тоа покажува дека ОПЕК е подготвен да го зголеми производството, сега обидувајќи да спречи сценарија како 150 долари за барел или 180 долари“.
Потрошувачите, вклучително и САД, со месеци вршеа притисок врз Саудиска Арабија да интервенира за да го запре растот на цените. Сепак, постојат сомневања дека групата целосно ќе ги исполни ветените зголемувања, имајќи предвид дека многу членки се мачеа да го подигнат производството. „ОПЕК+ ќе додаде само околу 250.000 барели дневно во јули и август поради тие проблеми“, вели Мартин Виген.
Одлуката на ОПЕК+ во пракса може да значи реално дополнително производство од 132.000 барели дневно секој месец од Саудиска Арабија, Обединетите Арапски Емирати, Кувајт и Ирак, се вели во белешка на Citigroup Inc. Исто така се додава дека, цените станувале повисоки во изминатата недела, кога кинеските заклучувања беа укинати, а во САД започна летната сезона на возење.
Европската унија, исто така, во четвртокот одобри делумна забрана за увоз на руска нафта, што потенцијално ќе доведе до затегнат пазар во наредните месеци.
