Цената на европскиот природен гас и денеска падна, со што влезе во најдолг неделен пад во повеќе од три години, бидејќи побарувачката останува придушена дури и кога енергентот станува сè поекономичен од јагленот за производство на електрична енергија.
Денешниот пад на референтните фјучерси ја заокружи шестата последователна недела со загуба, продолжувајќи го годинашниот пад на повеќе од 55 проценти.
Bloomberg Mercury
Иако поевтиниот гас ја отвори вратата за побрзо префрлување од јаглен на гас во производството на електрична енергија, потрошувачката останува слаба, бидејќи регионот закрепнува од минатогодишните шокови на цената на енергијата.
„Поради бавното закрепнување на индустријата, вкупната побарувачка за електрична енергија сè уште останува многу ниска. Плус, мај е секогаш силен месец за производство од обновливи извори на енергија, што засега покрива околу 51 отсто од потребите во Европа“, рече Флоријан Ротенберг, аналитичар во консултантската компанија за стоки ИЦИС (ICIS).
Трговците внимателно ќе следат како се развива ситуацијата во наредните месеци. Високите резерви на гориво и обилните резерви на течен природен гас помогнаа да се задржат цените. Но временските и климатските проблеми остануваат постојан фактор. Минатото лето Европа се соочи со преголеми горештини и суша, кои ги погодија хидроцентралите и некои нуклеарни централи, засилувајќи ја употребата на гас.
„Засега пазарот е мирен поради силната понуда и веројатно само со топлотен бран во Европа или во Азија би ја променил сликата“, велат аналитичарите во трговската компанија „Енерџи Денмарк“ (Energi Danmark A/S).
Мајски податоци
Комбинираното производство на електрична енергија од гас во клучните членки на Европската Унија се приближи до сезонските норми во последните денови, откако во април беше далеку под тоа ниво, додека согорувањето на јаглен опадна, покажуваат податоците од мрежната групација ЕНТСО-Е (ENTSO-E), до кои дојде „Блумберг“.
„Мај ќе биде првиот цел месец кога гасот е многу поевтин од јагленот и можеби ќе видиме посилни знаци на префрлување“, рече Фабијан Ронинген, енергетски аналитичар во „Ристад“ (Rystad Energy AS).
Холандскиот природен гас, кој е репер за Европа, денеска се тргуваше за 6,3 проценти пониско, односно по цена од 32,80 евра за мегават-час, што е најниско ниво од јули 2021 година. Еквивалентниот договор во Обединетото Кралство падна за 5,6 отсто.
.webp){kind=icon}
Во моментов нема коментари за веста. Биди прв да коментира...